Oral áýejaıynyń ǵımaraty qaıtadan jańartylmaq
ORAL. QazAqparat – Oral áýejaıynyń ǵımaraty 6,6 mlrd teńgege qaıtadan jańartylmaq, dep habarlaıdy QazAqparat tilshisi.
BQO qurylys basqarmasynyń basshysy Álibek Antazıevtiń aıtýynsha, «QPO b.v.» kompanııasy arqyly áleýmettik ınvestıtsııalar jobasy aıasynda qurylys-montaj jumystary bastaldy.
Onyń sózine qaraǵanda, joba boıynsha termınal alańy 4 myńnan 10 myń sharshy metrge deıin ulǵaıtylady. Sondaı-aq syrtqy ınjenerlik jeliler tartylyp, irgeles aýmaqty abattandyrý, avtoturaq uıymdastyrý jumystary júrgiziledi.
Aerovokzal termınalynyń tehnologııalyq jabdyqtary halyqaralyq standarttar men shekaralyq jáne kedendik talaptarǵa sáıkes jańǵyrtylady.
«Qurylys-montaj jumystaryn jyl sońynda aıaqtaý kózdelip otyr. Qurylys quny – 6,6 mlrd teńge», dedi Á.Antazıev.
Eske sala keteıik, budan buryn «Nurly jer» baǵdarlamasy aıasynda BQO-da 9 kópqabatty turǵyn úı salynatynyn jazǵan bolatynbyz.
