Oral áýejaıynda Toyota Ipsum avtokóligi janyp ketti

ORAL. QazAqparat – Oral áýejaıynda Toyota Ipsum avtokóligi janyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 3 shilde kúni Terekti aýdany aýmaǵynda ornalasqan Oral halyqaralyq áýejaıynyń avtoturaǵynda boldy.

«Saǵat 16.19-da 1980 jylǵy azamatqa tıesili Toyota Ipsum avtokóligi órtendi. Avtokólikte gaz jabdyǵy ornatylmaǵan. «Tilsiz jaý» «Oral halyqaralyq áýejaıy» JShS kúshimen №2 órt sóndirý bóliminen órt sóndirýshiler kelgenge deıin saǵat 16.30-da aýyzdyqtaldy. Zardap shekkender joq», dep habarlady vedomstvodan.

Eske sala keteıik, budan buryn Oral qalasy mańynda qurǵaq shóp pen butalar órtenip jatyrǵanyn jazǵan bolatynbyz.

Sondaı-aq Batys Qazaqstanda taǵy da qurǵaq shóp órtendi