Oral áýejaıyna Mánshúk Mámetovanyń esimin berý usynyldy

ORAL. QazAqparat – «Oral» halyqaralyq áýejaıyna Keńes odaǵynyń Batyry Mánshúk Mámetovanyń esimin berý usynyldy, dep habarlaıdy QazAqparat tilshisi.

BQO tilderdi damytý basqarmasynyń basshysy mindetin atqarýshy Sveta Ǵanıevanyń málim etkenindeı, Nur Otan partııasy oblystyq fılıaly janyndaǵy «Mıras» qoǵamdyq keńesi jáne oblystyq máslıhat depýtattarynan «Oral» halyqaralyq áýejaıyna Keńes odaǵynyń Batyry Mánshúk Mámetovanyń esimin berý týraly usynys túsken.

Bul másele búgin oblystyq máslıhattyń 7-sessııasynda qaralyp, depýtattar tarapynan biraýyzdan qoldaý tapty. Tıisti sheshim qabyldandy.

«Endi usynys QR Úkimeti janyndaǵy respýblıkalyq onomastıka komıssııasynyń qaraýyna joldanatyn bolady», - dedi QazAqparat tilshisine S.Ǵanıeva.

Eske sala keteıik, budan buryn BQO mektepterine qazaqtyń uly tulǵalarynyń esimderi berilgenin jazǵan bolatynbyz.