Oral áýejaıy ǵımaratynyń qurylysy jarty jylǵa sozylýy múmkin
ORAL. QazAqparat – Oral áýejaıy ǵımaratynyń qurylysy jarty jylǵa sozylýy múmkin, dep habarlaıdy QazAqparat tilshisi.
«Oral» ÁKK» UK» AQ basqarma tóraǵasy Dııas Jánibekovtiń aıtýynsha, bıyl shildede bastalǵan ǵımaratty qaıta salý jumysyn aldaǵy jyldyń kúzinde aıaqtaý kózdelgen bolatyn.
Alaıda buzý jumystary kezinde ǵımarattyń irgetasy qatty otyryp ketkeni anyqtaldy.
«Osyǵan baılanysty jobany qaıta naqtylaý qajettigi týyndady. Qazir osy jumystar júrgizilýde. Sol sebepti qurylys merzimi alty aıǵa uzaryp, shamamen 2021 jyldyń kóktemine deıin sozylýy múmkin», dedi D.Jánibekov.
Salynǵanyna qyryq jyl bolǵan atalmysh ǵımarat sodan beri jóndeý kórmegen bolatyn. Ony qaıta jańǵyrtý quny 3,2 mlrd teńgege baǵalanǵan edi. Ǵımarat iske qosylǵan kezde aýmaǵy anaǵurlym keńeıedi.
«Oral» halyqaralyq áýejaıy» JShS bas dırektory Haıretdın Rasqalıevtiń sózine qaraǵanda, qazirgi kezde jolaýshylar ótip jatqan ǵımarat óte tar bolǵandyqtan áýe reısteri soǵan sáıkestendirildi. ıAǵnı keptelis bolmas úshin reıster arasy keminde eki saǵatqa uzartyldy.
