Oral áýejaıyndaǵy baǵa saıasatyna baılanysty zań buzýshylyqtar anyqtaldy
ASTANA. KAZINFORM – Básekelestikti qorǵaý jáne damytý agenttiginiń Batys Qazaqstan oblysy boıynsha departamenti «Halyqaralyq «Oral» áýejaıy» JShS-ǵa qatysty tergep-tekserýdi aıaqtady. Bul týraly agenttiktiń baspasóz qyzmeti málim etti.
— Tergep-tekserý qorytyndylary boıynsha «Halyqaralyq „Oral“ áýejaıy» JShS-nyń áreketterinde avıaotyndy ótkizý kezinde ústem jaǵdaıdy teris paıdalaný belgileri anyqtaldy. Atap aıtqanda, JShS avıaotyndy ótkizý barysynda obektıvti jáne ekonomıkalyq negizdelgen sebeptersiz ártúrli baǵalardy qoldanǵan. Tergep-tekserý nátıjesinde bir kezeńde jekelegen kompanııalardyń avıaotyndy basqa naryq qatysýshylaryna qaraǵanda tómen baǵamen satyp alǵany anyqtaldy, — delingen habarlamada.
Atalǵan faktiler boıynsha Departament tarapynan «Halyqaralyq „Oral“ áýejaıy» JShS-nyń atyna Qazaqstan Respýblıkasynyń básekelestikti qorǵaý salasyndaǵy zańnamasyn buzý belgileriniń bar ekendigi týraly habarlama shyǵaryldy.
Departamenttiń habarlamasy oryndalyp, kásiporyn tarapynan anyqtalǵan buzýshylyqtardy joıý boıynsha tıisti sharalar qabyldandy.
Buǵan deıin Semeı áýejaıy avıaotyn baǵasyn negizsiz kótergeni úshin jaýapqa tartylǵanyn jazǵan edik.
