Oral-Atyraý tasjolynda jol apaty bolyp, eki adam kóz jumdy
Shaqyrtý ornyna jetken qutqarýshylar Báıterek aýdany Şapov aýyly mańynda, Oral-Atyraý tasjolynyń 35 shaqyrymynda Gazel júkkóligi men Foltsvagen Passat kóliginiń soqtyǵysqanyn anyqtady.
BQO Tótenshe jaǵdaılar departamenti baspasóz qyzmetiniń málimetinshe, qutqarýshylar oqıǵa ornynda kólikke qysylyp qalǵan 2 adamnyń denesin shyǵarǵan. Zardap shekken 4 jolaýshy qutqaryldy, onyń úsheýi – bala. 4 jolaýshy jedel járdem qyzmetine berildi.
Polıtsııa departamenti atalǵan faktige sáıkes QR QK-niń 345-baby 4-bóligi boıynsha sotqa deıingi tergeý amaldary bastalǵanyn habarlady.
«Jol-kólik oqıǵasy saldarynan 1979 j.t. «Folsvagen Passat» markili avtokóliginiń júrgizýshisi jáne sol kóliktiń 1993 j.t. áıel jolaýshysy oqıǵa ornynda kóz jumdy. Sondaı-aq «Folsvagen Passat» markili avtokóliginiń 1986 j.t. jáne kámeletke tolmaǵan 2021, 2019 jáne 2011j.t. jolaýshylary aýrýhanaǵa jatqyzyldy», – dedi BQO polıtsııa departamentiniń baspasóz qyzmetinen.
