Oral-Atyraý jolynda júk kólikterine shekteý qoıyldy
ORAL. KAZINFORM – Atyraý oblysynda joldy sý shaıyp ketýine baılanysty Oral-Atyraý baǵytynda júk kólikterine shekteý qoıyldy.
«QazAvtoJol» UK» AQ BQO fılıalynan málim etkenindeı, 18 mamyr kúngi saǵat 20.00-den bastap respýblıkalyq mańyzy bar Oral-Atyraý jolynda (492-189 km, Oral qalasynan Atyraý oblysyna deıin) júk kólikteriniń qozǵalysy shekteldi.
«Qazirgi kezde júk kólikteri Aqtóbe arqyly qatynap jatyr», - dep habarlady vedomstvodan.
Eske sala keteıik, budan buryn Atyraý-Oral trassasynyń Mahambet aýdanyndaǵy 44-shaqyrymy jyrylǵanyn jazǵan bolatynbyz.
