Oral-Almaty baǵytyndaǵy FlyArystan reısi 13 saǵatqa bógeldi
ALMATY. QazAqparat – Oral-Almaty baǵytyndaǵy FlyArystan KS7168 reısi 13 saǵatqa bógeldi, dep habarlaıdy QazAqparat tilshisi.
Áýejaıda qalǵan jolaýshylarǵa tamaq berilip, qonaqjaıǵa ornalastyryldy.
FlyArystan áýe kompanııasynyń habarlaýynsha, reıstiń bógelý sebebi reıske daıyndyq kezinde aýany jiberýdi baqylaý júıesin qosymsha tekserýge týra keldi. FlyArystan-nyń basty prıntsıpteriniń biri – qaýipsizdik bolǵannan keıin, áýe kompanııasynyń ınjenerleri bortty tolyq tekseristen ótkizýdi jón kórdi. Bul protses 13 saǵatqa sozyldy. Qajetti tehnıkalyq tekseris ótkizilgennen keıin áýe kemesi jumysyn oıdaǵydaı jalǵastyrdy.
Reıs kesh ushady degen habar kelgennen keıin, áýe kompanııasynyń qyzmetkerleri, jolaýshylardy tasymaldaý erejelerine saı jolaýshylardyń barlyǵyna sý men jeńil taǵam berilip, kompanııaǵa habarlasqan 50 adam qonaq úıge ornalastyryldy.
Aıta keteıik, keshe FlyArystan áýe kompanııasy ushaq qozǵaltqyshynyń isten shyǵýy týraly aqparatty teriske shyǵarǵandyǵy týraly aqparat taraǵan bolatyn.
