Oracle negizin qalaýshy eń dáýletti adamdar tiziminde Maskty basyp ozdy

ASTANA. KAZINFORM – Bloomberg esebi boıynsha, Oracle aktsııalary baǵasynyń sekirýiniń arqasynda osy IT kontserniniń negizin qalaýshy Larrı Ellıson Ilon Maskty basyp ozyp, eń baı adam boldy. Alaıda, Forbes nusqasy boıynsha Tesla basshysy kóshbasshylyqty saqtap qaldy, dep habarlaıdy DW aqparat agenttigi. 

Oracle IT-kompanııasy aktsııalarynyń baǵasy sekirgennen keıin onyń 81 jastaǵy negizin qalaýshysy Larrı Ellıson Bloomberg agenttigi qurastyrǵan álemdegi eń baı adamdar tiziminde mıllıarder Ilon Maskty basyp ozdy. Agenttik esebine sáıkes, sársenbi, 10 qyrkúıekte AQSh-taǵy saýda-sattyqtyń basynda ýaqytsha 40 paıyzǵa kóterilgen aktsııa baǵasynyń kúrt ósýiniń arqasynda Ellısonnyń baılyǵy shamamen 100 mlrd dollarǵa ósti. Bul – tarıhta bir kúndegi eń úlken ósim. Osylaısha, Bloomberg málimetinshe, ol ǵalamshardaǵy eń baı adam atandy.
Reıtıng boıynsha, Ellısonnyń baılyǵy qazir 393 mlrd dollarǵa baǵalansa, Masktyń baılyǵy 385 mlrd dollardy quraıdy.

Alaıda Masktyń dáýletin 463 mlrd dollarǵa baǵalaǵan Forbes jýrnalynyń málimetinshe  , Tesla basshysy áli de reıtıngte birinshi orynda tur. Onyń baılyǵyn esepteý qıynyraq: Ellısonnyń aktıvteri negizinen onyń Oracle-daǵy úlesi (40 paıyzdan astam) bolsa, Masktyń jaǵdaıynda onyń Tesla-daǵy úlesinen basqa, biz onyń SpaceX ǵaryshtyq tehnologııalar óndirýshisi jáne xAI jasandy ıntellekt ázirleýshisi sııaqty bırjadan tys kompanııalardaǵy úlesin de eskerýi kerek.

Oracle aktsııalary kontsernniń bultty bıznestegi ósý boljamynyń arqasynda ósti. Ótken toqsanda onyń bulttyq ınfraqurylymnan túsken kirisi ótken jylmen salystyrǵanda 55 paıyzǵa ósip, 3,3 mlrd dollarǵa jetti. Oracle aǵymdaǵy qarjy jylyndaǵy ósim 77 paıyzdy qurap, 18 mlrd dollarǵa deıin ósetinin boljap otyr, al 2030 jylǵa qaraı kompanııa bultty segmenttegi satylymdar 144 mlrd dollarǵa jetedi shamalap otyr.

Buǵan deıin álemdegi eń baı 1% adamnyń baılyǵy 33,9 trln dollarǵa óskenin jazǵan bolatynbyz.

Sondaı-aq, 2025 jyly álemdegi eń baı 25 el anyqtaldy.