Oracle kompanııasy Tik-Tok-ty satyp alyp jatyr
Dúısenbide Oracle kompanııasy Tik-Tok qoldanbasynyń ıesi – Byte Dance qytaılyq kompanııasymen jasalǵan kelisim týraly aqparatty rastady. Bul kompanııa amerıkalyq naryqtaǵy «senimdi tehnologııalyq ónim usynýshy» bolmaq.
Osy demalys kúnderi Byte Dance AQSh-tyń Qarjy mınıstrligine mámile týraly usynys jiberdi, al keshe AQSh-tyń qarjy mınıstri Stıven Mnýchın úkimet ony bir apta ishinde qarastyrýdy josparlap otyrǵanyn aıtty.
«Bılik amerıkalyqtardyń derekteriniń qaýipsiz ekendigine kóz jetkizýi kerek. Amerıkalyqtardyń smartfondarynda qoldanylatyn tehnologııa qaýipsiz bolýy tıis jáne derekterdiń burmalanýyna ákelmeýi kerek», – dep túsindirdi ol.
Buǵan deıin AQSh prezıdenti Donald Tramp AQSh-taǵy barlyq Tik-Tok operatsııalaryn shtab-páteri Beıjińde ornalasqan Byte Dance bas kompanııasynan bólýdi talap etken bolatyn. 14 tamyzda Aq úı ákimshiligi Byte Dance AQSh-taǵy Tik-Tok qosymshasymen baılanysty bıznesin satýǵa nemese bólýge, sondaı-aq amerıkalyq paıdalanýshylardyń Tik-Tok shottarynyń barlyq kóshirmelerin joıýǵa arnalǵan jarlyq shyǵardy.
Donald Tramp jáne basqa amerıkalyq saıasatkerler bul qosymshanyń ulttyq qaýipsizdikke qaýip tóndiretinin aıtqan bolatyn. Olardyń pikirinshe, qoldanbaǵa ıe kompanııa paıdalanýshylardy qadaǵalap, olardyń derekterin Qytaı bıligine berip otyrady. Alaıda TikTok taǵylǵan aıyptaýdy joqqa shyǵardy.
Tik-Tok qosymshasynyń amerıkalyq segmentin satyp alýǵa buryn qyzyǵýshylyq tanytqan kompanııalar: Microsoft, Twitter jáne Walmart, alaıda Microsoft 13 qyrkúıekte Byte Dance olardyń usynysynan bas tartqanyn habarlady. Tik-Tok – qytaılyq Byte Dance kompanııasyna tıesili qysqa beınerolıkter jasaýǵa jáne kórýge arnalǵan tanymal qoldanba.
Baǵdarlama eń jyldam ósip kele jatqan jáne kóp júkteletin baǵdarlamalardyń biri ne aınaldy. Paıdalanýshylarynyń sany 1 mıllıardtan asty. 2019 jyldyń aıaǵynan bastap keıbir elder óz aýmaǵynda qoldanbany paıdalanýǵa shekteýler engize bastady.