Oracle-dyń jahandyq tájirıbesi Qazaqstandaǵy JOO baǵdarlamasyna engiziledi
ASTANA. KAZINFORM — Endi elimizdegi JI salasyna ınnovatsııalyq jańalyqtar ashylýy múmkin. Mamandar Oracle kompanııasymen birlese jumys isteý elimizdiń ekonomıkasyna aıtarlyqtaı oń yqpal etedi dep baǵalap otyr.
— Bul, birinshiden, bizdiń ulttyq derekterimizdiń qaýipsizdigine kómek kórsetedi dep oılaımyz. Odan bólek, ınnovatsııalyq turǵydan da paıdasy kóp. Sol arqyly jańa jobalar ashylyp, ekonomıkalyq baǵyttan jańa paıda alyp keledi degen úmittemiz, — deıdi «Ulttyq aqparattyq tehnologııalar» AQ ІT-qurylymdy basqarý departamentiniń dırektory Abzal Daýtbaev «Búgin LIVE» baǵdarlamasyna bergen suhbatynda.
Joba elimizdegi ІT salasy mamandarynyń biliktiligin arttyrýǵa da aıtarlyqtaı járdem etedi.
— Memorandým aıasynda Oracle competence center — quzyrettilik ortalyǵy qarastyrylǵan. Bul osy joba tóńireginde ІT mamandarynyń biliktiligin arttyrý úshin qoldanylady. Bárimiz biletindeı, bul kompanııanyń ulttyq sheshimder men JI boıynsha álem moıyndaǵan sertıfıkattary bar. Jáne bul sharalar osy quzyrettilik ortalyǵy arqyly stýdentter men startaptardyń jańa oqytý baǵdarlamalaryna engiziledi. ıAǵnı JOO-daǵy bilim júıelerine de áser etedi, — deıdi Aqparattyq júıelerdi basqarý departamentiniń dırektory Damır Dáribaev.
Eske sala keteıik, jaqynda Qazaqstan Respýblıkasynyń Jasandy ıntellekt jáne tsıfrlyq damý mınıstrligi men Oracle kompanııasy ózara túsinistik týraly memorandýmǵa qol qoıdy.