Oracle 20 myńnan astam jumys ornyn qysqartty
ASTANA. KAZINFORM — Amerıkalyq Oracle tehnologııalyq korporatsııasy jasandy ıntellekt engizilý barysynda bir jyl ishinde shamamen 21 myń jumys ornyn qysqartty, bul onyń jumys kúshiniń shamamen 13%-yn quraıdy, dep habarlaıdy CNBC.
Osy aptada jarııalanǵan jyldyq esepke sáıkes, kompanııanyń 2026 jyldyń mamyr aıyndaǵy jalpy qyzmetkerleriniń sany 141 myń adamdy qurady. Bul ótken jyldyń sáıkes kezeńindegi 162 myń qyzmetkerden az.
— Bizdiń operatsııalarymyzda jasandy ıntellekt tehnologııalaryn engizý jáne paıdalaný qyzmetkerler sanyn qysqartýǵa ákeldi jáne bul áli de jalǵasýy múmkin, — dep málimdedi Oracle-da.
Aýqymdy qysqartý Oracle kompanııasynyń qarjylyq kórsetkishterine de áser etti.
Kompanııa qaıta qurylymdaýǵa 1,8 mlrd dollar jumsady, onyń ishinde járdemaqy jáne basqa da shyǵyn bar.
— Bulttyq jáne jasandy ıntellekt salasyndaǵy bıznesimiz ósken saıyn búkil álemdegi tutynýshylarymyzǵa bulttyq jáne JI negizindegi eń jaqsy ónimderdi jetkizý úshin qajetti mamandardyń bolýyn qamtamasyz etý maqsatynda resýrstarymyzdy únemi teńgerimdep, ınjenerlik tobymyzdy qaıta qurylymdaımyz, — delingen Oracle málimdemesinde.
Naýryz aıynda kompanııa jasandy ıntellekt ınfraqurylymyn damytý úshin aýqymdy somada qaryz alýyna baılanysty ınvestorlardyń qysymyna ushyrap, qyzmetkerlerine myńdaǵan jumys ornyn qysqartatynyn habarlady.
Qańtar aıynda Oracle qaryz jáne jeke qarajaty esebinen 50 mlrd dollar tartý josparyn jarııalady. Osy arada onyń kapıtaldyq shyǵyny sońǵy qarjy jylynda 162%-ǵa ósip, 55,7 mlrd dollarǵa jetti.
Osyǵan deıin Qytaıdyń joǵary oqý oryndarynda JI suranys óte joǵary mamandyqtardyń birine aınalǵanyn jazdyq.
