Opyrylyp túsken jaıaý júrginshi joly WhatsApp-tyń kómegimen jóndeldi
ASTANA. QazAqparat - Elorda ákimi Áset Isekeshev óziniń Feısbýktegi paraqshasynda Saryarqa ákimdigi jarııalaǵan aqparatpen bólisti, dep habarlaıdy QazAqparat.
Jarııalanymda Saryarqa aýdany ákimdiginiń mańyzdy ustanymy jumystardy jedel oryndaý ekendigi atalyp ótilgen.
Senbi kúni saǵat 21-29-da Saryarqa aýdanynyń turǵyny aýdan ákiminiń jeke uıaly telefonyna WhatsApp qosymshasy arqyly Oqjetpes pen Jalıl kósheleriniń (№20 mektep aımaǵy) qıylysyndaǵy jaıaý júrginshilerge arnalǵan asfalt joldyń opyrylyp túskendigin fotoǵa túsirip jibergen.
«Aýdan ákimi shuǵyl túrde jaǵdaıdy baǵalap, keleńsizdikterdi joıý úshin mamandardy jiberdi. Saǵat 00-54-te aýdan ákimdiginiń mamandary astana qalalyq avtomobıl joldary basqarmasymen birlesip, atalǵan jaıaý júrginshi jolynyń opyrylǵan jerin qalpyna keltirdi», - dep málim etti aýdan ákimdiginen.
