Opyrylǵan asfalt: Merdiger kompanııa 1 mln teńge aıyppul tóleıtin boldy
ALMATY. QazAqparat - Almatyda Asqarov kóshesinde jol tósegen merdiger kompanııa 1 mln teńge aıyppul tóleıtin boldy, dep habarlaıdy QazAqparat tilshisi.
Qurylys kompanııasy qubyr aýystyrylǵan soń jol jabyndysyn topyraqpen nyǵyzdamaı tóseı salǵan.
«Naýryzbaı aýdandyq əkimshiliginiń ótinishimen qalalyq Səýlet jəne qurylys baqylaý basqarmasy «Tıtan-Sever» JShS jumystaryna qatysty tekserý júrgizdi. Tekserý qorytyndysyna səıkes kompanııa QR ƏqK 312-babynyń 1-bólimimen əkimshilik hattama toltyryldy. Endi kompanııa 400 AEK 907 600 teńge aıyppul tóleýi tıis», - dedi basqarmadan.
Sonymen qatar ınjenerlik jeliler júrgizilgen kezde tehnologııalyq protsesterdi baqylaýǵa mindettelgen sarapshyǵa da jaza qoldanylady.
«Baqylaý júrgizgen «Arhservıs-Saýlet» JShS QR ƏQK 317-babyna səıkes 453 800 teńge aıyppul tóleıdi.
Quzyrly organnyń habarlaýynsha, Almatyda ınjenerlik jelilerdi júrgizý barysynda osyndaı jaǵdaılar jıi kezdesip jatyr. Olqylyq jibergen uıymdardyń barlyǵy tıisti jazasyn alyp jatyr.
Aıta ketý kerek kelisim boıynsha bul nysan əli qabyldanǵan joq. Merdiger kompanııa bul nysan jumys istep ketkenshe 2 jylǵa kepildik beredi.
Al tótenshe jaǵdaıdan aqaý alǵan kólikterdiń ıeleri qurylys kompanııalaryn sotqa berip, materıaldyq shyǵyndaryn óteı alady.
