Oppozıtsııa delegatsııasynyń keńesshisi: Astanada saıası máseleler talqylanǵan joq

ASTANA. QazAqparat - Qazaqstan astanasynda ótip jatqan Sırııa boıynsha kelissózder taraby ázirshe eshqandaı saıası másele talqylaǵan joq. 

Bul jaıynda sırııalyq oppozıtsııa delegatsııasynyń keńesshisi Ýsama Abý Zeıd málim etti, dep habarlaıdy QazAqparat Reseıdiń Jańalyqtar agenttigine silteme jasap.

«Taraptar kelissózder barysynda eshqandaı saıası máseleni talqylaǵan emes. Ázirshe bitimdi buzý máselesi talqylanýda», - dedi ol jýrnalısterge.

Aıta keteıik, kelissózge qatysýshy taraptar saǵat 14.00-de Astana protsesiniń nátıjelerin jarııa etý úshin qorytyndy baspasóz máslıhatyna shyǵady dep kútilýde. Kelissózderge qatysýshylardy qabyldaýshy tarap barlyq delegatsııa ókilderine baspasóz máslıhaty ótkiletin arnaıy zal daıyndap qoıǵan. QR Syrtqy ister mınıstrliginiń ókili BAQ aldyna kimniń shyǵatyndyǵyn dóp basyp aıtpady. Degenmen, BUU Bas hatshysynyń Sırııa jónindegi arnaýly elshisi Staffan de Mıstýranyń jýrnalısterge brıfıng ótkizý múmkinshiligi joǵary bolyp tur.