Oppozıtsııa B.Asadqa Ramazan aıynda bitimge kelý jóninde usynys bildirdi
ASTANA. 8 shilde. QazAqparat - Sırııalyq oppozıtsııa Bashar Asadtyń áskerlerine musylmandardyń qasıetti Ramazan aıynda soǵysty toqtata turýǵa usynys bildirdi, dep habarlaıdy RBK. Bul týraly jaqynda Sırııa revolıýtsııalyq jáne oppozıtsııalyq kúshteri ulttyq koalıtsııasynyń (SROKUK) jańa basshysy Ahmad Djarba málimdedi, dep habarlaıdy Reuters.
Qazir qarýly qaqtyǵystar Homs qalasynda jalǵasyp jatyr. 5 shildede keshqurym úkimet áskeri Homsqa joryǵyn bastaǵan bolatyn, olar endi qalany búlikshi toptardan aryltpaqshy.
Sońǵy ýaqytta Sırııanyń úkimet áskeri belsendi áreketke kirisip, sońǵy jyldary kóterilisshiler kúshtep basyp alǵan aýmaqtardy ózderine qaıtaryp aldy.
