Opıoıdtardy saqtaıtyn uıymdardy lıtsenzııalaýdy jeńildetý qoǵamdyq densaýlyqqa qaýip tóndiredi

ASTANA. KAZINFORM — Opıoıdtardy saqtaıtyn uıymdardy lıtsenzııalaý protsedýrasyn jeńildetý qoǵamdyq densaýlyqqa qaýip tóndiredi. Bul jaıynda Senat depýtattarynyń jaýabyna Premer-mınıstrdiń orynbasary Ermek Kósherbaevtyń jaýabynda aıtylǵan. 

дәріхана
Фото: freepik.com

— Quramynda elitkish, psıhotroptyq zattar bar dáriler, sonymen qatar olardyń prekýrsorlary normatıvtik-quqyqtyq aktilerde bekitilgen talaptar negizinde densaýlyq saqtaý uıymdary tarapynan beriledi. Esirtki zattarynyń zańsyz aınalymy jáne qara naryqqa opıoıdtardyń shyǵyp ketý joǵary táýekeline baılanysty, sondaı-aq jalǵan patsıentterdi anyqtaý maqsatynda opıoıdtardy qadaǵalaý arnaýly sharttaryn, esepke alýdy qatań saqtaý jáne personaldardy oqytý qamtamasyz etiledi. Lıtsenzııalyq protsedýralardy jeńildetý qoǵamdyq densaýlyqqa aıtarlyqtaı qaýip tóndirýi múmkin, — dedi vıtse-premer.

Buǵan deıin Densaýlyq saqtaý mınıstrligi 2026-2028 jyldarǵa arnalǵan halyqqa pallıatıvtik medıtsınalyq kómekti damytý jol kartasyn ázirlep jatqanyn jazǵan edik

Сейчас читают