Operatorlar poshta jóneltilimderinen tyıym salynǵan zattardy anyqtaýǵa mindetteledi
ASTANA. QazAqparat - Poshtany jóneltýshi operatorlar qaýipti, tyıym salynǵan zattardy anyqtap, alyp qoıýǵa mindettelmek. Bul týraly búgin Parlament Senatynda ótken dóńgelek ústelde málim boldy.
«Qazposhta» AQ basqarma tóraǵasy Baǵdat Mýsınnyń aıtýyna qaraǵanda, qoldanystaǵy «Poshta týraly» zańnamada qaýipsizdikti qamtamasyz etý normalary men tetikteri qamtylmaǵan. Sonyń saldarynan poshta salasynda adam ómirine qaýipti zattar men nysandardy anyqtaý oqıǵalary sońǵy ýaqytta jıilep ketken.
«Osyǵan baılanysty zań jobasymen poshta operatorlary men ony paıdalanýshylardyń qaýipsizdigin qamtamasyz etýge baǵyttalǵan sharalardy kúsheıtý qarastyrylyp otyr. Máselen, poshtany joldaý barysynda operatorlar poshtalyq jóneltilimderden qaýipti, tyıym salynǵan zattar men buıymdardy anyqtaýǵa mindetteledi. Bul jerde olar arnaıy tehnıkalardy, qurylǵylar men beıne-tirkelim júıesin paıdalanatyn bolady», - deıdi B. Mýsın.
Onyń aıtýynsha, poshta operatorlary tarapynan belgili bir shyǵyndarǵa soqtyratyn bolǵandyqtan atalǵan normany kúshine engizý keıingi, naqtyraq aıtqanda 2019 jyldan bastap kúshine enýi múmkin. Budan bólek, jańa zań jobasynda poshtalyq qaýipsizdik júıesin qurý mindetteri «Qazposhta» AQ-na belgilenip, olarǵa jeke kúzet uıymyn bekitý quqy da berilmek.
