Operatorlar ınternet irkilisi 5 mınýttan artyq bolsa, BAQ arqyly halyqqa habarlaýǵa mindettelýi múmkin

ASTANA. QazAqparat – Operatorlar ınternet irkilisi 5 mınýttan artyq bolsa, BAQ arqyly halyqqa habarlaýǵa mindettelýi múmkin. Úkimet otyrysynan keıin BAq ókilderiniń suraǵyna jaýap bergen Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Úkimet otyrysynda osyndaı bastama kóterdi, dep habarlaıdy QazAqparat tilshisi.

«Qazaqtelekom» degen bólek uıym. Biz salany retteýshi ǵanamyz. Jańa ǵana mende de «Qazaqtelekomǵa» dál sizderdikindeı narazylyq boldy», - dedi ol

Aıtýynsha, búgin tańerteń úıinen Úkimet otyrysyna kele jatqanda uıaly ınternettiń nasharlaǵanyn kórip, «Qazaqtelekom» basshysyna shyqqan.

«Búgingi ınternet irkilisin alsaq, zańnamaǵa túzetý engizý kerek shyǵar. Biz bastama kóteremiz. Ol túzetý boıynsha biz operatorlardy ınternette 5 mınýttan artyq irkilis bolsa, halyqqa BAQ arqyly habarlaýǵa mindetteımiz. Osylaı isteýge men daıynmyn», - dedi mınıstr.