Opera juldyzy Marııa Mýdrıak ıÝNISEF-pen birge balalar quqyǵyn qorǵaıdy
ASTANA. KAZINFORM — Álemge áıgili opera ánshisi Marııa Mýdrıak Qazaqstandaǵy UNICEF Friend atanyp, uıymnyń balalar quqyqtaryn qorǵaý mıssııasyn qoldaıtyn mádenıet pen sport salasynyń tanymal ókilderiniń jahandyq qoǵamdastyǵyna qosyldy.
Bul taǵaıyndaý ıÝNISEF-tiń 80 jyldyǵyna oraılastyrylǵan. Búginde uıym 190-nan astam elde jumys isteıdi jáne balalyq shaqtyń negizgi máselelerin sheshý úshin tanymal ártisterdi, sportshylardy jáne qoǵam qaıratkerlerin biriktiredi.
Taǵaıyndaý týraly sheshim Marııa Mýdrıaktyń 2025 jyly ıÝNISEF-tiń qaıyrymdylyq Gala-keshin belsendi qoldaýynan keıin qabyldandy. Ol shara barysynda Qazaqstandaǵy balalar men jasóspirimderdiń psıhıkalyq densaýlyǵyn qoldaý júıesin damytýǵa 283 mıllıon teńge jınalǵan bolatyn.
Jyl basynan beri bul jumys praktıkalyq turǵyda damyp keledi. Balalarmen jumys isteıtin mamandarǵa, sonyń ishinde mektep psıhologteri men pedagogterge arnalǵan oqý materıaldary ázirlenip, áleýmettik-emotsııalyq oqytý baǵdarlamalary beıimdeldi. Sondaı-aq Almaty, Shymkent jáne Túrkistan oblysynda mamandardy keń kólemde oqytý josparlanyp otyr, bul tásilderdi mektep pen qoǵam deńgeıinde engizýge jáne balalarǵa der kezinde qoldaý kórsetýge múmkindik beredi.
ıÝNISEF-tiń búkil álem boıynsha tanymal tulǵalarmen yntymaqtastyq ornatýda 60 jyldan astam tájirıbesi bar. Іzgi nıet elshileri men uıym dostary balalyq shaq máselelerine nazar aýdarýǵa, qoǵamdyq kún tártibi men sheshimderge yqpal etýge, sondaı-aq balalardyń múddesi úshin kúsh jumyldyrýǵa kómektesedi. Búginde ıÝNISEF 100-den astam elde 400-ge jýyq ambassadormen jumys isteıdi jáne olardyń barlyǵy uıym mıssııasyn erikti negizde qoldaıdy.
Marııa Mýdrıak — halyqaralyq sahnadaǵy qazaqstandyq opera mektebiniń jarqyn ókilderiniń biri. Ol álemniń jetekshi sahnalarynda óner kórsetip, tanymal dırıjerlermen jáne orkestrlermen jumys istegen. Onyń ıÝNISEF bastamalaryna qatysýy mádenıet pen áleýmettik kún tártibi arasyndaǵy baılanysty nyǵaıtyp, balalyq shaq máselelerine nazar aýdarýǵa kómektesedi. Buǵan deıin Qazaqstandaǵy UNICEF Friend bolyp Dınara Satjan taǵaıyndalǵan bolatyn.
— ıÝNISEF-tiń bir bóligi bolý — men úshin úlken mártebe. Men óz daýsymdy tek sahnada ǵana emes, sonymen qatar ınklıýzıvti bilim berýdi damytý boıynsha ıÝNISEF baǵdarlamalaryn qoldaý úshin paıdalanǵym keledi. Ár balanyń múmkindikteri teń bolýy úshin bul jumysty eń erte kezeńnen — mektepke deıingi deńgeıden bastaý mańyzdy. Sondaı-aq men úshin jastar baǵdarlamalaryn, sonyń ishinde volonterlikti damytýdy qoldaý óte mańyzdy. Bul jastardy qoǵam ómirine belsendi qatysýǵa jáne óz áleýetin iske asyrýǵa shabyttandyrady, — dep atap ótti Marııa Mýdrıak.
Qazaqstandaǵy ıÝNISEF Ókili Rashed Mýstafa Sarvardyń sózinshe, ıÝNISEF-tiń 80 jyldyǵynda Qazaqstandy jahandyq arenada tanytyp júrgen álemdik deńgeıdegi tulǵalarmen kúsh biriktirý biz úshin erekshe mańyzdy.
— Marııa Mýdrıak — talanty planetanyń eń iri teatrlarynda moıyndalǵan álemdik deńgeıdegi opera juldyzy. Mundaı kórnekti ári yqpaldy tulǵamen yntymaqtastyq balalar quqyqtaryna eń joǵary deńgeıde nazar aýdarýǵa múmkindik beredi. Marııanyń álemniń úzdik sahnalarynda shyrqalatyn daýysy endi mektepke deıingi jastan bastap ınklıýzıvti bilim berýdiń mańyzdylyǵyn nyq aıtýǵa jáne Qazaqstandaǵy jastar men volonterlik qozǵalys úshin múmkindikterdi keńeıtýge kómektesedi, — dedi ol.
Osydan buryn ıÝNISEF basshysy Qazaqstannyń bala densaýlyǵy salasyndaǵy kóshbasshylyǵyn atap ótken edi.
