Opera ánshisi Maıra Muhamedqyzy Parıjde jeke kontsertin ótkizdi
PARIJ. KAZINFORM – Qazaqstannyń altyn daýysy, Halyq artısi, belgili opera ánshisi Maıra Muhamedqyzy shyǵarmashylyq jolynynyń 30 jyldyq mereıtoıyna oraı Parıjdegi ataqty Gavo zalynda jeke shyǵarmashylyq keshin ótkizdi.
Mádenıet jáne aqparat mınıstriligniń málimetinshe, kesh baǵdarlamasyna qazaq, frantsýz, ıtalıan, orys jáne qytaı klassıkasynyń tańdaýly týyndylary endi.
«Birjan men Sara», «Er Tarǵyn» jáne «Abaı» operalarynan oryndalǵan arııalar, sondaı-aq ánshiniń oryndaýyndaǵy qazaqtyń halyq ánderi kórermendi erekshe yqylasqa bóledi.
Sahna tórinde Maıra Muhamedqyzymen birge pıanıst Álııar Ótetileý men Shymkent qalalyq opera jáne balet teatrynyń kvarteti óner kórsetti.
Eske sala keteıik, osyǵan deıin Dımash Qudaıbergenniń Mehıkodaǵy kontserti anshlagpen ótkenin jazǵan edik.