Opera ánshisi Áıgerim Altynbek: Bir adamdy kýmırim dep aıta almaımyn
ASTANA. KAZINFORM – Naqty bir opera ánshisin «kýmırim» dep aıta almaımyn. Búginde Italııanyń Arrıgo Boıto atyndaǵy Parma konservatorııasynda bilimin jetildirip jatqan otandyq opera ánshisi Áıgerim Altynbek osylaı deıdi.
- Bir adamdy «kýmırim» dep aıta almaımyn. Buryndary maǵan Anna Netrebko, Mırella Frenı, Marııa Kallas syndy álem ártisteri unaıtyn. Biraq, ýaqyt óte kele ózgeden ózińe kerekti, paıdasy tıetin dúnıeni ǵana alasyń. Adamǵa qarap otyryp, ózińe unaǵan qasıetin, minez-qulqyn alasyń. Sondyqtan naqty bir adamdy aıta almaımyn, - dedi ol Kazinform agenttigine bergen suhbatynda.
Daryndy opera ánshisi adamdarmen jıi aralasqandy jaqsy kóretinin aıtady.
- Adamdardy úlken laýazymyna, qarapaıymdylyǵyna qarap bólip-jarmaımyn. Qarapaıym adamnan da óte kóp nárse úırenýge bolady. Sondyqtan únemi adamdarmen qarym-qatynasta bolýǵa, sóılesýge ashyq adammyn. Maǵan ár adamnyń ómiri qyzyq. Olarmen áńgimeleskendi jaqsy kóremin. Qazir Italııada bolǵandyqtan bul jaqta da jaqsy adamdar jetkilikti. Sol ksilermen ýaqyt bar kezde, múmkindik bolǵanda sóılesip, ózime kerekti jaqsy qasıetterdi, minez-qulyqty, aldaǵy ýaqytqa keremet josparlardy alyp qalýǵa tyrysamyn, - dedi Áıgerim Altynbek.
Aıta keteıik, Prezıdent mádenıet salasyndaǵy bir top azamatty memlekettik nagradamen marapattady.