Opera ánshisi Saltanat Ahmetovanyń telekonkýrstaǵy óneri tikeleı efırde kórsetiledi
ASTANA. QazAqparat - Jas oryndaýshylardyń «Bolshaıa opera» atty telekonkýrsynyń sheshýshi baǵdarlamasy 29 qarashada astana ýaqytymen boıynsha 22:10-de tikeleı efırde https://tengrinews.kz/tv/, www.astanaopera.kz saıttarynan kórsetiledi.
Bul týraly «Astana Opera» teatrynyń baspasóz qyzmeti habarlady.
Jobaǵa «Astana Opera» teatrynyń solısi Saltanat Ahmetova qatysyp jatqanyn esterińizige sala keteıik. Qazaqstandyqtar otandasyna 7375 nomerine «1» sanyn jazyp, SMS arqyly daýys bere alady. Baǵdarlama bastalǵanǵa deıin ár kórermennen eń kóbi 30 hat qabyldanady.
«Bolshaıa opera» jobasynyń úshinshi maýsymynyń fınaly P.Chaıkovskıı atyndaǵy Máskeý konservatorııasynyń Úlken zalynda ótedi. Jeńimpazdyń esimi tikeleı efırde jarııalanady.
Saltanat Ahmetovanyń qanjyǵasynda Bıbigúl Tólegenovanyń, M. Glınka atyndaǵy Villa in canto (Italııa) sııaqty birneshe respýblıkalyq jáne halyqaralyq konkýrstardyń júldeleri bar.
Bir jyl buryn «Astana Opera» ánshisi Almanııada ótken Neue Stimmen halyqaralyq konkýrsynda Klassik-Herbst Forderpreis arnaıy syılyǵyn ıelendi.
