Opera ánshisi Marııa Mýdrıak elordada kontsert beredi

NUR-SULTAN. QazAqparat – Erteń elordada qazaqstandyq belgili opera ánshisi Marııa Mýdrıaktyń kontserti ótedi, dep habarlaıdy QazAqparat tilshisi.

«Pandemııaǵa baılanysty biraz jospar ózgerdi. Keıbir jospardy keıinge shegerýge týra keldi. Degenmen qıyndyqtarǵa qaramastan kontsertter uıymdastyryp jatyrmyz. Onyń ústine Qazaqstanda óner kórsetpegeli biraz ýaqyt ótti. Meniń otanymdy únemi maqtan tutam jáne saǵynam. Otan men úshin ata-anam, jaqyndarym sekildi, syrtta júrgende olardy qalaı saǵynsam Qazaqstandy da solaı saǵynam. Árıne Qazaqstanǵa jyl saıyn kelip óner kórsetkim keledi. Onyń reti kelmeı jatady, onyń ústine jospar aldyn ala qurylady», - dedi Marııa Mýdrıak kontsertine oraı uıymdastyrylǵan baspasóz máslıhatynda.

«Dlıa tebıa, moı Kazahstan» dep atalatyn kontsertte opera ánshisi álemdik jáne qazaqtyń halyq shyǵarmalaryn oryndaıtyn bolady.

«Meniń súıikti kompozıtorym Djýzeppe Verdı, sondyqtan negizinen osy avtordyń shyǵarmalaryn oryndaımy. Sondaı-aq, árıne qazaqtyń ulttyq ánderi de bolady. Kontsertke meniń sheteldik áriptesterimde qatysyp, óne kórsetedi. Onyń qatarynda belgili bolgarııalyq barıton Vladımır Stoıanov ta bar. Orkestrmen daıyndyqty bastaǵanymyzǵa biraz ýaqyt ótti. Búgin qorytyndy daıyndyq ótip jatyr», - deıdi.

Otandasymyz Marııa Mýdrıaktyń kontsertinde belgili ıtalıandyq Alvıze Kazellatı dırıjerlik etedi.

Aıta keteıik, atalǵan án keshi elordadaǵy «Astana Opera» teatrynda saǵat 18:00-ge josparlanyp otyr.