Opera ánshisi ári «Azııada-2011 arýy» K. Bazarbaeva Almaty ánuranyn jazyp, jol talǵamaıtyn kólikke ıe boldy
ASTANA. 19 qyrkúıek. QazAqparat - Opera ánshisi Kúmis Bazarbaeva Almaty ánuranynyń avtory atandy. Sonymen qatar ol syılyqqa jol talǵamaıtyn kólik aldy,
dep jazady «Ekspress K» gazeti búgingi sanyndaǵy «Napela na djıp» degen taqyryptaǵy maqalasynda.
Almatyda qala kúnin merekeleý aıasynda ońtústik astana týraly úzdik ánderdiń «Almatym júregimde» baıqaýy ótti. Oǵan 30-dan astam oryndaýshylar men mýzykalyq ujymdar qatysty. Al konkýrsanttardy shoý-bıznestiń Medeý Arynbaev, Aıgúl Múkeı, Aıdos Saǵat, Nurlan Qarajigitova, Aıda Qaýmenova, Jámıla Aıymbetova, Nadjıb Vıldanov syndy kásibı sheberleri baǵalady.
Baıqaýǵa qatysýshylar qazylar alqasyna barynsha qyzyqty kompozıtsııalar usyndy. Tipti Almatyda turyp jatqan ıtalıandyq ártis Son Paskal «Arman qala» ánin jazyp, ony ánshi Lýınamen birge oryndady. Degenmen qorytyndy nátıjede qazylar alqasy opera ánshisi ári «Azııada-2011 arýy» Kúmis Bazarbaevanyń ánin úzdik dep tanydy. Qazaq jáne aǵylshyn tilinde «Almaty» ánin oryndap, bas júldege ıe bolǵan K.Bazarbaeva jol talǵamaıtyn djıp kóligin syılyqqa aldy. Onyń atap ótýinshe, Almaty týraly bul án Ońtústik Koreıada, gastroldik sapar kezinde jazylǵan.
