OpenAI McDonald's pen Chevron-nan da qundy bolyp tur

ASTANA. KAZINFORM – OpenAI 40 mıllıard dollarǵa deıin jańa qarjylandyrý alatynyn málimdedi, bul kompanııanyń qunyn aıtarlyqtaı arttyrady, dep habarlaıdy Kazinform saıtynyń menshikti tilshisi Fox Business saıtyna silteme jasap.

Japondyq ınvestıtsııalyq top eger jasandy ıntellekt (AI) kompanııasy jyl sońyna deıin kommertsııalyq nysanǵa aınalatyn bolsa, OpenAI-di sáýirdiń ortasynda 10 mıllıard dollar sondaı-aq jeltoqsanda taǵy 30 mıllıard dollarmen qarjylandyrýǵa kelisti.

OpenAI málimetinshe, eger atalǵan qarjylandyrý tolyqtaı júzege asyp, 300 mıllıard dollar bólingen jaǵdaıda, seısenbidegi jaǵdaı boıynsha naryqtaǵy quny 223 mıllıard dollar men 294 mıllıard dollardan asatyn qarjysy bar fastfýd alpaýyttary McDonald's pen energetıkalyq kompanııa Chevron-nan joǵary bolyp sanalmaq. 

OpenAI 40 mıllıard dollar kompanııaǵa AI zertteýlerin jalǵastyrýǵa, esepteý ınfraqurylymyn keńeıtýge jáne ChatGPT paıdalanatyn 500 mıllıon adam úshin qýatty quraldarmen qamtamasyz etýge kómektesetinin aıtty.

Eske sala keteıik, buǵan deıin OpenAI mátindi beınege túrlendiretin Sora neıronjelisin usynǵanyn jazǵan bolatynbyz.