OpenAI Maskqa qarsy sotqa shaǵym túsirdi
ASTANA. KAZINFORM – Tehnologııalyq kompanııa OpenAI amerıkalyq kásipker Ilon Maskqa qarsy sotqa talap aryz joldap, bolashaqta zańsyz ári ádiletsiz áreketterden qorǵaýdy surady, dep habarlady Reuters agenttigi.
– Sársenbi kúni OpenAI Ilon Maskqa qarsy sotqa talap aryz berip, federaldy sýdıadan Masktyń kompanııaǵa qarsy kez kelgen «bolashaqtaǵy zańsyz jáne ádiletsiz áreketterin» toqtatýdy surady, - delingen habarlamada.
Buǵan deıin, naýryz aıynda Associated Press agenttigi Masktyń OpenAI-dyń kommertsııalyq uıymǵa aınalýyna qarsy talap aryzy AQSh-taǵy federaldy sotta keri qaıtarylǵanyn habarlaǵan.
Sondaı-aq Mask basqaratyn ınvestorlar konsortsıýmy OpenAI kompanııasyn baqylaıtyn kommertsııalyq emes uıymdy satyp alý úshin 97,4 mıllıard dollar usynǵan.
OpenAI – 2022 jyldyń qarasha aıynyń sońynda iske qosylǵannan keıin bir apta ishinde 1 mıllıon paıdalanýshy jınaǵan ChatGPT chat-botynyń avtory retinde tanymal. Kompanııanyń negizin 2015 jyly qalaǵandardyń biri – Ilon Mask. Alaıda keıinirek ol OpenAI-men baılanysyn úzgen.
Aıta keteıik, qazirgi ýaqytta OpenAI McDonald’s pen Chevron-nan da qundy bolyp tur.