OpenAI ChatGPT-diń tegin nusqasynda jarnamany iske qosady
ASTANA. KAZINFORM — OpenAI ChatGPT-de jarnamalyq testileýdiń bastalǵany týraly habarlady. Jarnamalar tegin paıdalanýshylar men Go nusqasy jazylýshylaryna kórsetile bastaıdy. Plus, Pro, Business jáne Enterprise nusqasynyń paıdalanýshylaryna jarnama shyqpaıdy, dep habarlaıdy OpenAI.
Kompanııanyń málimetinshe, jarnamalyq monetızatsııa jazylym úshin aqy tólegisi kelmeıtinderge keıbir shekteýlerdi alyp tastaýǵa kómektesedi. Sonymen qatar, kompanııa qyzmet jumys isteıtin barlyq elderde ChatGPT Go tarıfin qoljetimdi etedi. Padalanýshylar aıyna 8 dollarǵa habar almasý, keskin jasaý, faıldardy basqarý jáne chatbot jady boıynsha keńeıtilgen qyzmetterdi alady.
Testileý AQSh-ta bastalyp, sodan keıin basqa elderge taralady. Jarnamany tek kámeletke tolǵan avtorızatsııadan ótken paıdalanýshylar kóredi. Habarlandyrýlar ChatGPT jaýaptarynyń tómengi jaǵynda paıda bolady jáne suraý taqyrybyna sáıkes keledi. Olar negizgi mátinnen bólinip, vızýaldy túrde anyq erekshelenedi.
OpenAI jarnamanyń neırondyq jaýaptardyń sapasyna áser etpeýin qamtamasyz etedi. Hat-habarlar qupııa bolyp qalady — jarnama berýshiler olarǵa qol jetkize almaıdy. Parametrlerde jekelendirýdi basqarýǵa, jeke jarnamalardy jasyrýǵa nemese aqyly tarıfke ótý arqyly jarnamalardy tolyǵymen óshirýge bolady.
Testileý kezinde júıe jarnamany kámeletke tolmaǵandarǵa jarnamany kórsetpeıdi. Sondaı-aq densaýlyq, psıhıkalyq jaǵdaı jáne saıasat aıasyndaǵy taqyrypqa sáıkes jarnama bolmaıdy.
Bolashaqta OpenAI jarnamalanǵan ónimder týraly tikeleı dıalogta suraqtar qoıýǵa múmkindik beretin ınteraktıvti formattardy qosa alady. Alaıda, kompanııanyń negizgi nazary aqyly jazylymdarda qalady, al jarnama tek qosymsha tabys kózi bolmaq.
Osy aptada OpenAI kompanııasy ChatGPT negizinde avtonomdy veb-aýdarma quralyn iske qosty.