OpenAI basshysynyń úıine Molotov kokteılin laqtyrǵan
ASTANA. KAZINFORM – 20 jastaǵy er adam OpenAI kompanııasynyń negizin qalaýshy Sem Altmannyń úıine jandyrǵysh qospasy bar bótelkeni laqtyryp, kompanııanyń shtab-páterin órtep jiberemin dep qorqytty. Vılla qaqpasy órtendi, biraq eshkim zardap shekken joq. Shabýylshy ustaldy, dep habarlaıdy DW aqparat agenttigi.
OpenAI kompanııasynyń negizin qalaýshy jáne bas dırektory Sem Altmannyń San-Frantsıskodaǵy vıllasyna juma, 10 sáýirde shabýyl jasaldy. Jergilikti polıtsııanyń habarlaýynsha, 20 jastaǵy er adam vıllaǵa Molotov kokteılin laqtyryp, saldarynan qaqpa órtene bastady, biraq eshkim zardap shekken joq.
Shabýyldaýshy qashyp ketken, biraq keıinirek ustaldy. Ol sondaı-aq kompanııanyń San-Frantsıskodaǵy shtab-páterin órtep jiberemin dep qorqytqan.
Jergilikti San Francisco Chronicle basylymynyń málimetinshe, Alehandro Danıel Moreno-Gama esimdi kúdikti qamaýǵa alyndy.
Polıtsııa onyń nıeti túsiniksiz ekenin atap ótti. Osy arada jasandy ıntellekt negizinde jumys isteıtin ChatGPT chat-botyn ázirleýimen tanymal OpenAI kompanııasy jáne onyń bas dırektory Sem Altman sońǵy ýaqytta bul tehnologııany adamzatqa qaýip tóndiredi dep sanaıtyn jasandy ıntellektke qarsy shyqqandardyń nysanasyna aınaldy.
Osyǵan deıin OpenAI basshysy jasandy ıntellektini retteıtin jahandyq organ qurýǵa shaqyrǵanyn jazdyq.
