OpenAI basshysy jasandy ıntellektini retteıtin jahandyq organ qurýǵa shaqyrdy
ASTANA. KAZINFORM — ChatGPT-ti jasaǵan kompanııa álemge jasandy ıntellekt salasynda halyqaralyq úılestirý tetigin shuǵyl qalyptastyrý qajet ekenin málimdedi, dep habarlaıdy Kazinform agenttiginiń menshikti tilshisi.
Sem Altman beısenbi kúni Nıý-Delıde ótken AI Impact Summit halyqaralyq sammıtinde sóz sóılep, qarqyndy damyp kele jatqan jasandy ıntellekt tehnologııalaryn jedel retteý qajettigin atap ótti. Bul týraly Agence France-Presse (AFP) habarlady.
— JI-di demokratııalandyrý adamzattyń órkendeýin qamtamasyz etýdiń eń tıimdi joly. Bul tehnologııanyń bir kompanııanyń nemese bir eldiń qolynda shoǵyrlanýy joıqyn saldarǵa ákelýi múmkin, — dedi Altman.
The Hon’ble Prime Minister of India, Shri @narendramodi along with global technology leaders including Sundar Pichai, CEO of @Google and Alphabet; Sam Altman, CEO of @OpenAI; Alexandr Wang, Chief AI Officer, @Meta; Dario Amodei, CEO of @AnthropicAI; Demis Hassabis, CEO &… pic.twitter.com/Ax4ML0xqwj
— IndiaAI (@OfficialINDIAai) February 19, 2026
Onyń aıtýynsha, álemge jasandy ıntellekt salasyndaǵy halyqaralyq kúsh-jigerdi úılestirip, ózgeristerge jedel áreket etetin, Halyqaralyq atom energııasy agenttigi (MAGATE) tárizdi qurylym qajet bolýy múmkin.
— Bul retteý qajet emes degendi bildirmeıdi. Kerisinshe, basqa da qýatty tehnologııalar sekildi, JI-ge de shuǵyl retteý kerek, — dep qosty ol.
Úndistan astanasy Nıý-Delıde ótip jatqan bes kúndik AI Impact Summit 2026 sammıti jasandy ıntellektiniń damýyna qatysty syn-qaterlerdi talqylaý úshin jetekshi tehnologııalyq basshylar men saıasatkerlerdi jınady. Sarapshylar negizgi qaýip-qaterler retinde jumys oryndarynyń qysqarýyn, dıpfeıkterdiń taralýyn, onlaın-alaıaqtyqty jáne áleýmettik teńsizdiktiń kúsheıýin atap ótti.
The AI Impact Summit in Delhi has brought together the who’s who from the AI world.
— Narendra Modi (@narendramodi) February 19, 2026
There is representation from over 100 countries.
There are distinguished participants from every corner of the globe.
Our aim is the same - leveraging the power of AI for the welfare of our… pic.twitter.com/BHkvMOJsVN
Sammıtke álemniń túkpir-túkpirinen memleket basshylary, ónerkásip ókilderi, saıasatkerler, zertteýshiler men tehnologııa janashyrlary qatysyp jatyr. Іs-sharanyń basty taqyryby «Barshaǵa ortaq órkendeý, barshaǵa ortaq baqyt».
Antonıý Gýterrısh te jasandy ıntellekt bolashaǵy «birneshe mıllıarderdiń erkine» qaldyrylmaýy tıis ekenin eskertti. Ol tehnologııalarǵa teń qoljetimdilikti qamtamasyz etý úshin kólemi 3 mlrd dollar bolatyn jahandyq qor qurýǵa shaqyrdy.
— JI barshaǵa tıesili bolýy kerek. Onyń bolashaǵyn tar sheńberdegi elder nemese jeke tulǵalar aıqyndamaýy tıis, — dedi BUU basshysy.
Gýterrıshtiń pikirinshe, durys tásil qoldanylǵan jaǵdaıda jasandy ıntellekt ǵylymı serpilisterdi jedeldetip, bilim berý men densaýlyq saqtaý salasyna qoljetimdilikti jaqsarta alady.
Alaıda naqty halyqaralyq erejeler bolmasa, ol teńsizdik pen teris paıdalanýlar qaýpin kúsheıtýi múmkin.
Aıta ketelik OpenAI Qazaqstannyń 165 myń pedagogine tegin lıtsenzııa beretin boldy.
