«Open Finance»: Qazaqstanda qarjylyq qyzmetter bir platformaǵa biriktirilmek
ALMATY. KAZINFORM — Almatyda ótip jatqan Central Asia Fintech Summit sammıtinde Qarjy naryǵyn retteý jáne damytý agenttiginiń tóraǵasy Madına Ábilqasymova eldegi qarjy naryǵyn damytý úshin Open Banking-ten Open Finance-qa kóshý keregin aıtty.
Ábilqasymovanyń aıtýynsha, bankıng, saqtandyrý, mıkroqarjylandyrý qyzmetteri jáne baǵaly qaǵazdar naryǵy qazir negizinen bólek damyp keledi. Al Open Finance tujyrymdamasy ártúrli qarjy qyzmetterin klıentterdiń qajettilikteri boıynsha biriktiredi.
— Klıentter ártúrli qarjy ónimderin bir platformada kóre alýy kerek. Qarjy ınstıtýttary klıentter úshin eń qolaıly ónimdi usyný arqyly básekelesedi, — dedi Ábilqasymova.
Onyń aıtýynsha, bul tásil Qazaqstanda áli keńinen damymaǵan, biraq jańa qarjy sektoryn tsıfrlandyrý strategııasynyń negizgi elementine aınalýy kerek.
Agenttik basshysy saqtandyrý naryǵynda saqtandyrý ónimderin salystyrý jáne tańdaý úshin biryńǵaı tsıfrlyq platforma jetispeıtinin atap ótti.
Al jańa zańnama jobasynda bul qarastyrylǵan.
— Open Finance búkil qarjy sektoryndaǵy kedergilerdi joıýǵa jáne júıeni tutynýshylardyń múddelerine negizdeýge kómektesedi, — dedi spıker.
Ol jańa qarjy tehnologııalaryn retteý beıtarap bolyp qalyp, básekelestikti, kıberqaýipsizdikti, jeke derekterdi qorǵaýdy jáne tutynýshylardyń quqyqtaryn qamtamasyz etýi kerek dep málimdedi.
Eske salsaq, Ulttyq bank basshysy qarjy júıesin ózgertetin basty faktorlardy ataǵan edi.
