«Open Almaty» jobasy halyqaralyq baıqaýda úzdik joba dep tanyldy
ALMATY. QazAqparat - «Open Almaty» jobasy TMD men EAEO qalalary arasynda ótetin H Halyqaralyq «Ómir súrýge bolatyn qala -2017» baıqaýynda júlde aldy, dep habarlaıdy QazAqparat tilshisi.
Qazylar Almaty qalasynyń jobasyn jergilikti organdardyń ashyqtyǵyn qamtamasyz etýge, qala turǵyndary men qonaqtaryna túrli jaǵdaılarda dereý kómek berýge baǵyttalǵan dep baǵalady.
Konkýrstyq komıssııanyń qaraýyna 20 tájirıbe túsken. «Open Almaty» jobasymen qatar baıqaýda Qazan qalasynyń «Ashyq málimetter», Sankt-Peterbýrg qalasynyń ınvestorlarǵa arnalǵan «Biryńǵaı tereze» Dondaǵy Rostov qalasynyń elektrondy ekskýrsovod jobalary júldege ıe boldy.
Konkýrs qorytyndysy boıynsha, dıplommen marapattalǵan jobalar jalpyqalalyq problemalardy sheshýdiń úzdik sheshimderi, qajetti normatıvti- quqyqtyq qujattarmen basqa da materıldar bar «Qalalyq tájirıbelerdiń kitaphanasy» bazasyna endi.
Eske sala ketsek, «Open Almaty» jobasy - Almaty ákimdiginiń memlekettik organdardyń tıimdiligin arttyrýdyń, ashyqtyǵy men esep berýin qamtamasyz etetin jobasy.
«Open Almaty» portaly arqyly ómirlik qajet jaǵdaılardyń túrli sheshimder algorıtmimen tanysyp qana qoımaı, sonymen qatar, qalanyń qyzmet kórsetý organdarynyń (jol, aryq, jylý júıesin, aýlalardy jáne basqalaryn jóndeý) jumys josparyn bilýge, qalanyń kommýnaldy qyzmet kásiporyndarymen baılanysýǵa bolady.
