Open Almaty halyq pen ákimdiktiń baılanysyn nyǵaıtyp keledi
Almaty ákimdigi qoǵammen baılanys boıynsha Qazaqstandaǵy progressıvti qalalardyń biri.
Ákimdiktiń Instagram paraqshasyna 153 000 adam jazylǵan.
Quzyrly organdar paraqshaǵa túsken aqparattyń barlyǵyn tekserip túıtkildi máselelerdi sheship keledi.
«Áleýmettik jelide jarııalanǵan ótinishter zańdy kúshi bolmaǵandyqtan, ákimdik Open Almaty qabyldaýyn qurdy. Qazir Open Almaty berilgen ótinishter zańdy kúshke ıe. Jaýap 15 kún ishinde beriledi. Azamattar ótinish bildirgende nemese aryzdanǵan jaǵdaıda talon alyp, portal arqyly baqylaı alady. 15 kúnnen soń elektrondy poshtaǵa jaýap keledi», - dedi Open Almaty ókili Erkebulan Kenjebolatov.
Open Almaty front ofısinde eń negizgi tabıǵatty paıdalaný, turǵyn úı kommýnaldyq sharýashylyǵy, sáýlet jáne qala qurylysy, kólik jáne avtomobıl basqarmalarynyń ókilderi otyr.
«Barlyq túsken qońyraýlardy qabyldap ákimdikke sol kúni jiberemiz. Odan ári quzyrly organ ókilderiniń jaýap berýin qadaǵalaý moınymyzda. Ol úshin endi almatylyqtarǵa ákimdikke barýdyń qajeti joq.
Munda HQKO, prokýratýra, ІІD ókilderi de otyr. Eń kúrdeli jáne jıi kezdesetin máselelerge baılanysty is-áreket algorıtmi qurylǵan. Adamdar shema arqyly jumys isteıdi», - dedi ol.
Sonymen qatar, front-ofıste memlekettik organ ókilderi halyqpen kezdesip túsindirý jumystaryn júrgizip turady.
Búgin qalalyq medıtsınalyq saqtandyrý qorynyń ókilderi qor jumysyn qalaı jumys jasaıtynyn aıtyp berdi.