Open Air kontsertter men festıvalder: Astana kúni qalaı atap ótiledi

2 shilde kúni saǵat 15:00–de E.Rahmadıev atyndaǵy Memlekettik akademııalyq fılarmonııanyń Kameralyq zalynda (Abaı dańǵyly, 29) aqyndar arasyndaǵy «Baıraǵy bıik baıtaǵym» respýblıkalyq músháırasynyń jeńimpazdaryn marapattaý rásimi ótedi.

Sol kúni saǵat 17:00–de Beıbitshilik jáne kelisim saıabaǵynda ekologııany, shyǵarmashylyqty jáne belsendi demalysty toǵystyratyn «Taza Fest Astana» festıvali uıymdastyrylady.

Qonaqtarǵa ekojobalar kórmesi, ekologııalyq estafetalar, ınteraktıvti alańdar men kontserttik baǵdarlama usynylady.

Festıval qorshaǵan ortaǵa uqypty qaraý mádenıetin qalyptastyrýǵa baǵyttalǵan «Taza Qazaqstan» jalpyulttyq bastamasy aıasynda ótedi.

Saǵat 19:30–da Esil ózeni boıynda Ulttyq ulannyń Úlgili-kórsetimdi orkestri teplohod ústinde kontserttik baǵdarlama usynady.

3 shilde kúni saǵat 09:00–de Samal saıabaǵynda «Taza Qazaqstan» aktsııasy aıasynda «Jasyl el» jastarynyń qatysýymen ekologııalyq is-shara ótedi.

Saǵat 10:00–de M. Ótemisuly atyndaǵy Oqýshylar saraıynda jas fotograftardyń «Astana — shabyt mekeni» fotokórmesi ashylady. Al saǵat 11:00–de munda kontserttik baǵdarlama, bı batldary, performanstar men ınteraktıvti alańdardy qamtıtyn «El júregi — Astana!» jastar open-air festıvali bastalady.

Sol ýaqytta Ekohabta «Ekinshi ómir» baıqaýy ótedi. Onda «Jasyl el» jobasynyń qatysýshylary men eko-belsendiler qaıta óńdelgen materıaldardan jasalǵan avtorlyq buıymdaryn usynady.

Saǵat 15:00–de Qazaqstan Respýblıkasynyń Ulttyq mýzeıinde «Meniń Astanam — meniń otbasym» onlaın-baıqaýyna qatysqan jas otbasylardy marapattaý rásimi uıymdastyrylady. Baıqaý «Otbasy — baqyt mekeni» jobasy aıasynda ótkizildi.

Sol kúni saǵat 16:00–de Beıbitshilik jáne kelisim saıabaǵynda «Kishkentaı qurylysshylar — úlken Astana» balalar festıvali ótedi.

Saǵat 19:00–de Kúlásh Baıseıitova atyndaǵy Qazaq ulttyq óner ýnıversıtetiniń aldyndaǵy amfıteatrda «Dalamyzdyń únisiń sen, dombyra» atty kontsert ótedi. Onda «Altyn dombyra» mektebiniń tárbıelenýshileri óner kórsetedi.

3 jáne 4 shilde kúnderi E.Rahmadıev atyndaǵy Memlekettik akademııalyq fılarmonııada zamanaýı balettiń «ALEM» plastıkalyq spektakliniń «Astana, men seni súıemin» atty premerasy usynylady.

4-6 shilde aralyǵynda Astana tsırkinde qala kúnine arnalǵan merekelik baǵdarlama ótedi.

«Merekelik saıabaq» festıvali 4 shildede Óner mýzeıinde, al 5-6 shildede Ortalyq saıabaqta jalǵasady. Baǵdarlama aıasynda sheberlik sabaqtary, ulttyq oıyndar, shyǵarmashylyq belsendi is-sharalar men ınteraktıvti alańdar uıymdastyrylady.

4 shilde kúni saǵat 09:00–de Ortalyq saıabaqtaǵy shańǵy-roller trassasynda Kids Run balalar jarysy ótedi. Oǵan 6-15 jas aralyǵyndaǵy balalar qatysa alady. Tirkelý onlaın formatta júrgiziledi.

Saǵat 18:00–de Sana Sport sport kesheni janyndaǵy skeıt-parkte Urban Fest kóshe sporty festıvali uıymdastyrylady. Baǵdarlamada skeıtbordıng, BMX, rolık jáne samokat sportynan jarystar ótedi. Kórermender úshin kirý tegin, al qatysýshylar sol jerde tirkele alady.

5 shilde kúni saǵat 17:00–de Beıbitshilik jáne kelisim saraıynda qazaqtyń dástúrli mýzykalyq óneri men óńirlik oryndaýshylyq mektepterin nasıhattaýǵa arnalǵan «Asyl mura» kontserti ótedi.

Mádenı keshke Serjan Mursaıyn, Perızat Turarova, Ózgeris Sherikbaı, Beıbit Musaev, Ardaq Balajanova, Nurjan Janpeıisov, Almas Almatov, Elmura Jańabergen, Marat Súgirbaı, Kúnsulý Túrikpen, Aıgúl Qosanova, Dastan Esentemirov, Aıgúl Elshibaeva, Qazbek Ádikeı, Medet Salyqov, Klara Tólenbaeva jáne Gúlmıra Sarına qatysady.

Sol kúni elordalyq Amfıteatrda Ulttyq dombyra kúnine arnalǵan kontsert ótedi. Qonaqtarǵa mýltımedııalyq shoý, dombyra men jetigende oınaý boıynsha sheberlik sabaqtary, balalarǵa arnalǵan shyǵarmashylyq alańdar jáne ashyq aspan astyndaǵy kıno kórsetilimi usynylady.

5 jáne 6 shildede Astana kósheleri úlken teatr sahnasyna aınalady. Qalalyq performans festıvali 5 shildede Amfıteatrdan Qalalyq alańǵa deıingi baǵytta ótse, 6 shildede «Jetisý» saıabaǵynda jalǵasady. Kóshe teatrlarynyń ártisteri kórermenderdi qoıylymdarǵa tikeleı qatystyrady.

5 shilde kúni saǵat 08:00–de Yryskeldi qajy meshiti janyndaǵy jaǵalaýda SARYARQA RUN buqaralyq júgirý jarysy uıymdastyrylady. Oǵan 16 jastan asqan kez kelgen adam qatysa alady. Tirkelý onlaın formatta júrgiziledi.

6 shildede sport súıer qaýymǵa arnap mazmundy baǵdarlama ázirlendi. Saǵat 10:00–de Trıatlon saıabaǵynda erkin jáne grek-rım kúresinen, qazaq kúresi men dzıýdodan «Jas Qyran» týrnıri ótedi.

Saǵat 11:00–de Ǵashyqtar saıabaǵynda asyq atýdan «Astana saqasy» týrnıri uıymdastyrylady.

Al saǵat 16:00–de Astana ákimdigi aldyndaǵy qalalyq alańda «Tolaǵaı» alyptar saıysy ótedi.

Dástúr boıynsha 6 shildede elordanyń turǵyn alaptarynda merekelik kontsertter uıymdastyrylady. Turǵyndar aldynda qazaqstandyq estrada juldyzdary men shyǵarmashylyq ujymdar óner kórsetedi.

Saǵat 12:00–de Dostyq úıinde shyǵarmashylyq ujymdardyń qatysýymen «Ónermen nurlanǵan — asqaq Astana» festıvali ótedi.

Keshki saǵat 18:00–de «Qazaq eli» monýmenti men «Astana Arena» stadıonynyń mańynda Open Air formatyndaǵy merekelik kontsertter bastalady. Onda qazaqstandyq tanymal ónerpazdar óner kórsetedi.

7 shilde kúni saǵat 19:00–de Beıbitshilik jáne kelisim saraıynda «Jaıdarman» jastar festıvali ótedi.

Sol kúni saǵat 19:00–de Amfıteatr sahnasynda E.Rahmadıev atyndaǵy Memlekettik akademııalyq fılarmonııanyń estradalyq jáne klassıkalyq vokal bóliminiń solısteri «Astana — arman qala» kontsertin ótkizedi.

8 shilde kúni saǵat 15:00–de Qazaqstan Respýblıkasynyń Ulttyq akademııalyq kitaphanasynda «Qalamger ustahanasy» ádebı alańy óz jumysyn jalǵastyrady. Munda kelýshiler elimizdiń belgili aqyn-jazýshylarynyń shyǵarmashylyǵymen tanysa alady.

Saǵat 19:00–de E.Rahmadıev atyndaǵy Memlekettik akademııalyq fılarmonııanyń kontsert zalynda kompozıtor ári dombyrashy Baýyrjan Maqaevtyń shyǵarmashylyǵyna arnalǵan «Samǵaý» mýzykalyq keshi ótedi.

11 shildede «Mereıli otbasy» respýblıkalyq baıqaýynyń qalalyq kezeńi jeńimpazdaryn marapattaý rásimi uıymdastyrylady.

11-12 shilde kúnderi saǵat 09:00–den bastap «Qazanat» ıppodromynda ulttyq taǵamdardyń BaiQymyz — baptalǵan qymyz halyqaralyq gastronomııalyq festıvali ótedi. Oǵan Qazaqstannyń túrli óńirlerinen, sondaı-aq Qyrǵyzstan men Reseıdiń (ıAkýtııa) qymyz óndirýshileri qatysady.

Merekelik baǵdarlama aıasynda kommertsııalyq kontsertter men mádenı sharalar da josparlanǵan. Qala turǵyndary men qonaqtary Tóreǵalı Tóreáli, Maqpal Júnisova, «Jigitter» tobynyń kontsertterin, «Piano Stories.

Shopennen Prokofevke deıin» mýzykalyq keshin, «Astana Opera» teatryndaǵy halyqaralyq «Don Karlos» festıvalin jáne «Shanshar» teatrynyń jańa baǵdarlamasyn tamashalaı alady.

Osylaısha, merekelik kóńil kúı qalanyń ashyq alańdaryn ǵana emes, elordanyń jetekshi kontsert zaldaryn da qamtyp, ár talǵamǵa saı mádenı baǵdarlamany usynady.

Merekelik is-sharalarmen qatar, Astana kúnine oraı elordada birqatar jańa ınfraqurylym nysany paıdalanýǵa beriledi. Mereke kúnderi qalanyń barlyq aýdanynda 25-ten astam abattandyrylǵan aýla men qoǵamdyq keńistik ashylady.

Sonymen qatar, Astananyń Indýstrııalyq parkinde jańa óndiris oryndaryn iske qosý josparlanyp otyr. Bul jańa jumys oryndaryn ashýǵa, qalanyń ónerkásiptik áleýetin arttyrýǵa jáne ınvestıtsııa tartýǵa múmkindik beredi.

Jańa nysandardyń ashylýy qalalyq ınfraqurylymdy damytýdaǵy mańyzdy kezeń bolyp, jaıly ári zamanaýı qalalyq ortany qalyptastyrýǵa baǵyttalǵan júıeli jumystyń jalǵasy bolmaq.

Buǵan deıin elordada «Media & Gov Connect» respýblıkalyq medıaforýmy ótkenin jazǵanbyz.