Open Air kontsertinen keıin Astanada 60 qosymsha avtobýs qatynaıdy
ASTANA. KAZINFORM — Elordada 6 shilde kúni «Astana Arena» stadıonynda Open Air kontserti ótedi.
Qala turǵyndary men qonaqtarynyń yńǵaılylyǵy úshin is-shara aıaqtalǵannan keıin qoǵamdyq kóliktiń jumysy kúsheıtiledi, dep habarlaıdy elorda ákimdiginiń resmı saıty.
Qosymsha 60 avtobýs jelige shyǵarylyp, kelesi baǵyttardaǵy avtobýstar sany artady:
Qala ortalyǵy baǵytynda:
№10, №26, №37, №40, №42, №49, №51, №53, №60, №67 jáne №501.
Áýejaı baǵytynda:
№10, №26, №37, №40, №42, №49, №51, №53, №60, №67, №302, №303, №308, №309 jáne №501.
Jol aqysy qoldanystaǵy qalalyq tarıf boıynsha tólenedi. Jeńildikpen jáne mektepke arnalǵan jol júrý kartalary burynǵydaı qoldanyla beredi.
Jolaýshylar legi kóbeıetindikten, jol júrý josparyn aldyn ala qurǵan jón.
Aıta ketelik Open Air kontsertine baılanysty «Astana Arena» mańynda kólik qozǵalysy shekteletini týraly jazǵan edik.
