OPEK-tiń munaı óndirýdi shekteý jónindegi kelesi kezdesýi maýsymda ótedi
ASTANA. QazAqparat - Munaı óndirýdi shekteý máselesi jónindegi munaı óndirýshi elderdiń kezekti kezdesýi Venada OPEK-te ótedi. Nıgerııa munaı mınıstri Emmanýel Kachıkvý aldymen OPEK ishinde ýaǵdalasý kerek ekenin málimdedi, dep habarlady RIA Novostı.
«Kelesi joly biz Venada OPEK-te maýsym aıynda kezdesemiz... Venada biz aldymen OPEK ishinde ýaǵdalasamyz, sodan keıin OPEK-ke kirmeıtin elderdi shaqyramyz», - dedi ol Katar astanasy Dohadaǵy kezdesý qorytyndylary boıynsha jýrnalısterge, kezdesý alty saǵat boıy júrgizildi, biraq ta nátıjesiz aıaqtaldy, kelisimge qol qoıylmady,
RIA Novostı derekkózi Saýda Arabııasy senbi kúni ýaǵdalastyqtarǵa qaramastan, kelissózer bastalýynda shart retinde OPEK-tiń barlyq músheleri, sonyń ishinde Iran da qatysýy tıis degen talap qoıdy. Munaı óndirýdi sanktsııaǵa deıingi kólemge - táýligine 4 mıllıon barrelge deıin jetkizbeıinshe óndirýdi shektemeýdi málimdegen Iran Dohadaǵy kezdesýge qatysqan joq.
Katar energetıka mınıstri Mohammed ıbn Saleh Ál Sada Dohadaǵy kezdesýdiń qorytyndysy boıynsha taraptar Irannyń ustanymyn qurmetteıdi, munaı óndirýdi shekteý jónindegi kelissózder jalǵasady, dep málimdedi.
