OPEK+ «segizdigi» maýsymda munaı óndirýdi ulǵaıtady: Qazaqstannyń kvotasy qandaı
ASTANA. KAZINFORM – Munaı óndirýge erikti shekteý ustanatyn OPEK+ segiz eli (Saýd Arabııasy, Reseı, Irak, BAÁ, Aljır, Kýveıt, Qazaqstan jáne Oman) maýsymda munaı óndirý kólemin mamyr aıymen salystyrǵanda táýligine 411 myń barrelge ulǵaıtady, dep habarlaıdy TASS.
OPEK óz málimdemesinde mamyr, maýsym aıynda óndiristi ulǵaıtý kólemi úsh aı ishinde óndiristi arttyrý týraly bastapqy josparǵa sáıkes keletinin atap ótti.
OPEK saıtynda usynylǵan kestege sáıkes, Qazaqstan maýsym aıynda munaı óndirýdi 1,500 mln b/s deıin, Reseı 9,161 mln b/s deıin, Saýd Arabııasy 9,367 mln b/s deıin arttyra alady.
OPEK málimdemesinde sonymen qatar maýsym aıynda óndiristiń ósýin jedeldetý týraly sheshim munaı naryǵyndaǵy qazirgi «saý» faktorlar men álemdegi kommertsııalyq qorlardyń tómendigi aıasynda qabyldanǵanyn atap ótti. OPEK naryq jaǵdaıyna baılanysty óndiristi ulǵaıtý toqtatylýy nemese joıylýy múmkin ekenin taǵy da atap ótti.
- Bul munaı naryǵynda turaqtylyqty saqtaýǵa múmkindik beredi, - delingen habarlamada.
Sonymen qatar bul sheshim munaı óndirýdi qysqartý jónindegi kelisim mólsherinen asyp ketýine jol bergen elderge artyq óndiristi óteýdi jedeldetýge múmkindik beredi, dep qosty OPEK.
OPEK+ segiz eli munaı naryǵynyń jaı-kúıin, OPEK + mámilesiniń oryndalý deńgeıin jáne ótemaqylardy taldaý úshin aı saıyn kezdesip turady.
Shilde aıyndaǵy óndiristik jospardy anyqtaıtyn kelesi keńes 1 maýsymda ótedi.
Aıta keteıik, OPEK+ munaı kólemin naryqqa kezeń-kezeńimen qaıtarýdyń kestesine túzetý engizedi.