OPEK sarapshylary 2025 jylǵa qaraı munaı barreli baǵasynyń 76 dollarǵa deıin ósýin boljap otyr

ASTANA. QazAqparat - OPEK sarapshylarynyń boljaýynsha, on jyldan keıin munaı barreliniń quny $76 deıin qymbattaıdy. Nemese kerisinshe, munaı barreliniń baǵasy $40-dan da tómendeýi yqtımal, dep habarlady RBK.

Jaǵdaı optımıstik sıpatta bolǵan kúnniń ózinde, 2025 jylǵa qaraı munaı barreliniń baǵasy 76 dollardan aspaıdy, dep habarlaıdy The Wall Street Journal gazeti OPEK baıandamasyna silteme jasap. Kerisinshe jaǵdaıda OPEK sarapshylarynyń pikirinshe, munaı barreliniń baǵasy 2025 jylǵa qaraı $40-dan da tómendeýi múmkin.

Eske sala keteıik, sońǵy saýda qorytyndysy boıynsha OPEK munaıynyń bir barreliniń quny $62,44 qurady. ICE bırjasyndaǵy búgingi saýda barysynda 2015 jyldyń maýsymynda jetkiziletin Brent markaly munaı barreliniń quny $65 jáne $66 aralyǵynda boldy. Baıandamada OPEK elderine munaı óndirýdiń qatań kvotalyq júıesine oralý usynyldy.