OPEK+ negizgi músheleri munaı óndirýdi ulǵaıtýǵa kelisti

ASTANA. KAZINFORM - Munaı óndirý qazan aıynan bastap táýligine 137 myń barrelge artady. Bul týraly Saýd Arabııasy, Reseı, Irak, BAÁ, Kýveıt, Qazaqstan, Aljır jáne Omannyń tıisti mınıstrleri – OPEK+ quramyna kiretin negizgi munaı eksporttaýshy elder kelisimge keldi, - dep habarlaıdy DW.

Sheshim «qolaıly naryq negizderi» men «turaqty jahandyq ekonomıkalyq perspektıvalarǵa» baılanysty qabyldandy.

Munaı baǵasy qazir barreline 65-70 dollar aralyǵynda aýytqyp tur. Bıyl kórsetkish 12 paıyzǵa tómendegen. Norvegııalyq Rystad Energy saraptama ortalyǵynyń sarapshysy Horhe Leonnyń pikirinshe, OPEK+ sheshimi munaı baǵasyn barreline 60 dollardan tómen túsiredi.

OPEK+ munaı óndirý kólemin arttyrý múmkindikterin talqylaıtynyn jazǵan bolatynbyz.

2026 jyly munaıǵa álemdik suranys táýligine 1,4 mln barrelge artady.

Qazaqstan men Ázerbaıjan Eýropaǵa munaı jetkizýde basty ról atqarady.