OPEK: Munaıǵa suranys ósimi baıaýlaǵanymen, boljam ózgergen joq
ASTANA. KAZINFORM — Munaı eksporttaýshy elder uıymy sońǵy eki aıda munaıǵa suranys ósiminiń azdap baıaýlaǵanyn baıqap otyr. Bul týraly uıymnyń bas hatshysy Haısam ál-Ǵaıs Peterbýrg halyqaralyq ekonomıkalyq forýmynda málimdedi.
— Iá, biz sońǵy eki aıda munaıǵa suranystyń ósý qarqyny boljammen salystyrǵanda baıaýlaǵanyn kórip otyrmyz. Alaıda bul aıtarlyqtaı ózgeris emes, — dedi ol.
OPEK bas hatshysynyń aıtýynsha, munaıǵa suranys 2027 jylǵa qaraı qaıta qarqyn alady.
— Keler jyly suranys ósimi táýligine 1,5 mıllıon barrel deńgeıinde bolady dep oılap otyrmyz, — dep qosty Haısam ál-Ǵaıs.
Onyń sózinshe, qazirgi baıaýlaý uıymnyń uzaq merzimdi boljamdaryna eleýli áser etpeıdi.
Buǵan deıin Londonda ótken Taıaý Shyǵystaǵy munaı jáne gaz máselelerine arnalǵan konferentsııada sarapshylar álemdik munaı naryǵynyń ahýalyn talqylaǵan bolatyn.
Kezdesýde jetkizý tizbegindegi irkilisterdiń yqpaly men energetıkalyq qaýipsizdik salasyndaǵy ózgeristerge erekshe nazar aýdaryldy.
Osyǵan deıin sarapshylar munaıdyń ózine suranys kemip, ónimderine artýy múmkin ekeni týraly aıtqan edi.
Al állemdik munaı naryǵynda ne bolyp jatqany týraly myna jerden oqyńyzdar.
