OPEK munaı óndirýdi shekteý máselesi boıynsha ortaq sheshim shyǵarady
ABÝ-DABI. QazAqparat - Beısenbi kúni Saýd Arabııasy munaı óndirý boıynsha OPEK ortaq sheshim qabyldaıtyny týraly málimdemesinen keıin munaı baǵasy turaqtandy.
Brent markaly munaıynyń qarasha aıyna jetkizý fıýchersteriniń quny barreline 46,89 AQSh dollaryn qurady. Aldyńǵy sessııada 1,65 AQSh dollaryna arzandaǵan AQSh-qa munaı jetkizý fıýchersteriniń quny 5 tsentke qymbattap, 44,75 dollardy qurady.
Saýd Arabııasy syrtqy ister mınıstri Adel al-Djýbeır OPEK-ke múshe elder men atalǵan uıymǵa kirmegen memleketter ortaq pozıtsııa shyǵarýǵa baǵyt alǵanyn málimdedi.
Munaı eksporttaýshy elder Uıymynyń músheleri 26-28 qyrkúıek kúni Aljırde ótetin Halyqaralyq energetıkalyq forým aıasynda kezdesedi jáne qara altynǵa baǵa belgileýdi jandandyrýǵa kúsh salady dep boljanýda.
«Eger bizge nátıje qajet bolsa, barlyǵy jaýapkershilikti qolǵa alýy tıis jáne sońǵy bes-alty aıda munyń bári ujymdyq kúsh ekenin uǵyndy degen oıdamyn», - dedi mınıstr.
Osy aptada Irak Premer-mınıstri Haıder al-Abadı kólemi jaǵynan Saýd Arabııasynan keıingi ekinshi OPEK munaı óndirýshisi retinde qara altynnyń baǵasyn turaqty ustap turý úshin munaı óndirisin toqtatý týraly sheshimdi qoldaıtynyn aıtty. Alaıda, eldegi munaı mınıstri Iraktyń munaı óndirisin ulǵaıtýdy qalaıtynyn jetkizdi.
Tegeran men Reseı OPEK elderiniń jáne kartelden tys memleketterdiń óndiristi turaqtandyrý týraly bul talpynysyn qoldamady jáne sáýir aıyndaǵy óndiristi toqtatý týraly kelissózder kúshin joıdy.
