OPEK munaı óndirý kvotasyn saqtap qaldy

ASTANA. QazAqparat - Munaı eksporttaýshy elder uıymy (OPEK) munaı óndirýdiń resmı kvotasyn ózgerissiz qaldyrýdy uıǵardy, dep habarlady RBK Bloomberg agenttigine silteme jasap.

OPEK músheleri otyrysynyń qorytyndylary boıynsha oqylǵan kommıýnıke mátininde kvotalar týraly aqparat aıtylmaǵan.

«OPEK-tiń bolashaǵy burynǵydan áldeqaıda kúshti. Biraq ta biz qazir kvota boıynsha sheshim qabyldaı almaımyz. Iran qaıta oralýda. Sóıtip, biz sheshimdi OPEK-tiń kelesi kezdesýine deıin qaldyra turýǵa uıǵardyq, sol kezde jaǵdaı aıqynyraq bolady», - degen OPEK bas hatshysy Abdalla Salem ál-Badrıdiń sózin keltirgen Financial Times. OPEK-tiń kelesi kezekti otyrysy 2016 jylǵy 2 maýsymda ótetini josparlanǵan.