OPEK munaı óndirý kvotasyn ózgertpeý týraly sheshim qabyldady
ASTANA. Jeltoqsannyń 22-si. QazAqparat - Munaı eksporttaýshy elder uıymynyń (OPEK) músheleri shıkizat óndirisine belgilengen kvotany ózgertpeý týraly sheshim qabyldady.
Bul týraly Angolanyń elordasynda ótken kezdesýde Saýd Arabstanynyń munaı mınıstri Álı ál-Naımı málim etti, dep habarlaıdy Associated Press agenttigi.
OPEK elderiniń kezdesýi kartelge osydan eki jyl buryn qosylǵan Angolada alǵash ret ótip otyr.
OPEK Bas hatshysy Abdalla ál-Badrı budan buryn málim etkendeı, munaıdyń álemdik baǵasy qazirgi ýaqytta «óte yńǵaıly» deńgeıde tur. 75 dollar/barrel shamasyndaǵy baǵanyń qazirgi deńgeıin kartelge múshe elderdiń kóbisi ońtaıly dep sanaıdy.
