OPEK munaı qorjynyń baǵasy $52-den tómendedi

ASTANA. QazAqparat - OPEK munaı qorjynyń baǵasy 11 qyrkúıekte 0,71 AQSh dollaryna nemese 1,4%-ǵa deıin tómendep, bir barrel qara altynnyń baǵasy $51,82 boldy, al bir kún buryn bir barrel munaı 52,53 dollarǵa kóterilgen edi. Karteldiń saıtyndaǵy materıaldarda osylaı habarlandy.

OPEK (OPEC Reference Basket of crudes) qorjyn termınin resmı túrde 1987 jylǵy 1 qańtardan beri qoldanyp keledi. Munaı qorjyny degenimiz - kartelge múshe 14 eldiń álemdik naryqqa shyǵaratyn munaı markalarynan quralǵan shartty túrde alynǵan uıym.

Qorjyn quramyna munaıdyń myna markalary enedi: Saharan Blend (Aljır), Girassol (Angola), Oriente (Ekvador), Zafiro (Ekvatoralyq Gvıneıa), Rabi Light (Gabon), Iran Heavy (Iran), Basra Light (Irak), Kuwait Export (Kýveıt), Es Sider (Lıvııa), Bonny Light (Nıgerııa), Qatar Marine (Katar), Arab Light (Saýd Arabııasy), Murban (BAÁ) jáne Merey (Venesýela). Kartel qorjyny eń joǵary tarıhı baǵasy - 2008 jyldyń 3 shildesinde tirkelgen, munaı barreli 140,73 dollarǵa jetti.