OPEK munaı eksporty men óndirisine monıtorıng júrgizbekshi
ASTANA. QazAqparat - OPEK munaıdy óndirýge de, ony eksporttaýǵa da, bárine tekserý júrgizedi, dep málimdedi jýrnalısterge Saýd Arabııasynyń Energetıka, ónerkásip jáne mıneraldy resýrstar mınıstri Haled ben Abdel ál-Faleh, dep habarlady «Neft Rossıı» portaly.
«Biz eksportqa da óndiriske de monıtorıng júrgizemiz (munaı). Kelisim munaı óndirisine negizdelgen. Alaıda eksport ta óte mańyzdy kórsetkish»,-dedi ol jýrnalısterge TASS tilshisiniń saýalyna jaýap bere kele.
Mınıstr sonymen qatar, qańtardyń alǵashqy eki aptasy óte qolaıly bolǵandyǵyn aıtty. Memleketter ózderine alǵan mindettemelerdi júzege asyrýda.
«Reseı munaı óndirisin qysqartý boıynsha belgilengen jospardan alda keledi, ózgeler de solaı»,-dep qosty ol.
Munaı eksporttaýshy elderdiń uıymy men kartelge kirmeıtin memleketter Venada 2016 jyldyń 10 jeltoqsany kúni bolǵan kezdesýde munaı óndirý kólemin birlesip qysqartý jónindegi kelisimge qol qoıdy.
OPEK elderiniń bıylǵy jyldyń alǵashqy jartyjyldyǵynda munaı óndirý kólemin alǵashqy táýlikterde 1,164 mln barrelge qysqartý jónindegi bastamaǵa taǵy 11 memleket qosylady.
Olar munaı óndirisin táýligine 558 barrelge qysqartady. Osylaısha, munaı óndirisiniń jalpy qysqartylǵan kólemi 1,7-1,8 mln barrelge jetedi.
OPEK-ke múshe elderdiń kezdesýiniń qorytyndysyna baılanysty bekitilgen resmı komıýnıkede uıymǵa múshe emes elder tarapynan qysqartylýy tıis munaı óndirisiniń sońǵy sheshimi qabyldanǵan. Ol táýligine 558 myń barreldi qurady.
Reseı óndiristi 300 myń barrelge qysqartý jónindegi mindettemeni ustanady.
Kezdesýge qatysýshylardyń ózderiniń málimetterinshe, Meksıka óndiristi táýligine 100 myń barrelge, Oman 40 myńǵa, Ázerbaıjan 35 myńǵa, Qazaqstan 20 myńǵa qysqartýy tıis bolatyn.
Taǵy qosymsha 63 myń barreldi qysqartý mindettemesin Sýdan, Ońtústik Sýdan, Malaızııa, Ekvatorıaldy Gvıneıa, Brýneı men Bahreın ózara bólisip júzege asyratyn bolady.
