OPEK: Qazaqstan jańa mindetteme boıynsha óndiristi jalǵastyrady

ASTANA. KAZINFORM – 2023 jylǵy 30 qarashada ótken OPEK+ 36-shy mınıstrlik kezdesýiniń qorytyndysy boıynsha Qazaqstan jáne OPEK+ - ke múshe basqa elder álemdik munaı naryǵynda turaqtylyq pen tepe-teńdikti saqtaý úshin 2024 jylǵy qańtardan bastap jańa erikti mindettemeler qabyldady. Bul týraly Energetıka mınıstrliginiń baspasóz qyzmeti málimdedi.

Qazaqstan árqashan OPEK+ qatysýshy elderdiń bastamalaryn qoldady. 2024 jylǵy qańtarda mindettemelerdiń asyp ketýine qaramastan, Qazaqstan kelesi tórt aı ishinde artyq óndiristi óteıdi. Sonymen qatar 2023 jylǵy 4 maýsymda ótken OPEK+ 35-shi mınıstrlik kezdesýinde kelisilgen óndirý jónindegi óz mindettemelerin atqarady.

Sondaı-aq keıbir OPEK elderi men OPEK-ke kirmeıtin elder 2023 jyldyń sáýirinde qabyldaǵan qosymsha erikti mindettemelerdi jáne odan keıingi 2023 jyldyń qarashasynda qabyldanǵan 2024 jylǵy aqpan men naýryzǵa arnalǵan kelisimderdi oryndaýdy jalǵastyrady.