OPEK III-IV toqsanda munaıǵa suranys artyp onyń baǵasy ósedi dep boljaýda

ASTANA. QazAqparat - Bıylǵy jyldyń úshinshi jáne tórtinshi toqsanynda OPEK munaı baǵasyna oń yqpal etetin álemdik suranystyń ósýin boljaýda, dep málimdedi uıym prezıdenti, Katardyń energetıka mınıstrliginiń basshysy Muhammed ben Saleh ál-Sada. Bul týraly reseılik RIA Novostı agenttigi habarlady.

Mınıstrdiń aıtýynsha, OPEK elderi qyrkúıek aıynda Aljırde ótetin 15 halyqaralyq energetıkalyq forýmmen qatar beıresmı konsýltatsııa ótkizýdi josparlap otyr.

«Úshinshi jáne tórtinshi toqsanda munaıǵa degen suranys artady», - delingen OPEK habarlamasynda.  Ál-Sada bıylǵy aqpan aıynan bastap, óndiristiń tómendeýinen, álemniń túrli aımaǵyna munaı jetkizýdiń úzilýinen jáne qordyń azaıýynan munaıǵa álemdik suranystyń artqanyn, munaı baǵasynyń turaqty túrde ósip kele jatqanyn atap ótti.