OPEK elderi munaıdyń álemdik baǵasyna yqpal etý úshin QR Úkimetine is-qımyldardy úılestirý usynysyn jasady - V. Shkolnık

ASTANA. QazAqparat - OPEK-tiń keıbir elderi munaıdyń álemdik baǵasyna yqpal etý úshin QR Úkimetine is-qımyldardy úılestirý usynysyn jasady. Bul týraly búgin Astanadaǵyn «KAZENERGY-2015» onynshy Eýrazııalyq forýmy aıasyndaǵy baspasóz máslıhatynda QR Energetıka mınıstri Vladımır Shkolnık málim etti.

«Árıne, OPEK músheleri munaı baǵasynyń artýyn yntalandyrý úshin qadamdardy úılestirý usynysyn bizge aıtty. Atap aıtqanda, biz osy problemalar boıynsha qazirgi kezde jumys istep jatyrmyz», - dedi mınıstr tilshiler saýalyna jaýap berý kezinde.

Sonymen qatar V. Shkolnık bul baǵytta eń qarapaıym qadam munaı óndirý kólemin azaıtý nemese múldem óndirýdi toqtatý ekenin atap ótti.

«Alaıda birde-bir memleket bundaı qadamǵa barǵysy kelmeıdi, sebebi, bul birinshi kezekte tabysqa baılanysty. Sondyqtan da osy másele boıynsha kelisilgen ustanym qajet jáne tıisti máselelerdi qarastyryp jatyrmyz. Biraq ta, Qazaqstan onsyz da munaı óndirý kólemin 1 mln. tonnaǵa tómendetti. Eger de ótken jyly 81 mln. tonna munaı óndirgen bolsaq, bıyl onyń deńgeıi 79,9 mln. tonna shamasynda. 1 mln. tonnaǵa munaı óndirý kólemin tómendetip, baǵanyń qalyptasýyna artyq munaıdyń yqpalyn azaıtý úshin ózimizdiń úlesimizdi qostyq», - dedi Energetıka mınıstri.