OPEK elderi eki jyldyń ishinde munaı baǵasynyń quldyraýynan $1 trln joǵaltty

ASTANA. QazAqparat - OPEK-ke múshe  elder 2015-2016 jyldary munaı baǵasynyń quldyraýy saldarynan eksporttyq aqsha túsiminen 1 trln dollar joǵaltty.

Bul týraly  uıymnyń bas hatshysy Muhammed Barkındo jyl saıynǵy KOGS-2017 munaıgaz konferentsııasy aıasynda ótken sessııada málim etti.

«Sońǵy eki jyldyń ishinde biz tek sektorǵa salynǵan ınvestıtsııanyń ǵana emes, munaıdan túsetin tabystyń da tómendegenin kórdik. OPEK elderi osy kezeńde 1 trılıonnan astam  dollar joǵaltty»,-dedi ol.

Baǵa 2014 jyldyń kúzinen tómendeı bastaǵan.

2015 jyldyń aqpanynda munaıdyń  barreli 28 dollarǵa túsip ketti. Bul quldyraýdyń shyńy boldy. Sarapshylardyń pikirinshe, 2015-2016 jyldary munaı óndirýshi salaǵa salynǵan ınvestıtsııa eki esege azaıǵan.

Qazirgi ýaqytta qol jetken kelisim munaı barrelin 50-55 dollar shamasynda ustaýǵa  múmkindik týǵyzyp otyr.