OPEK+ elderi Taıaý Shyǵystaǵy qaqtyǵys jaǵdaıynda munaı óndirisin arttyrýǵa kelisti
ASTANA. KAZINFORM – OPEK + elderi Taıaý Shyǵystaǵy qaqtyǵys jaǵdaıynda mamyr aıynda munaı óndirisin arttyrýǵa kelisti, dep habarlaıdy DW
Tıisti málimdeme OPEK+ uıymyna múshe segiz eldiń: Reseı, Saýd Arabııasy, Irak, BAÁ, Kýveıt, Qazaqstan, Aljır jáne Omannyń beınekonferentsııasynan keıin jarııalandy.
Málimdemede munaı óndirisin arttyrý týraly sheshim «naryqtyń turaqtylyǵyn saqtaý» úshin qabyldanǵany aıtylǵan.
Naýryz aıynda ótken OPEK+ uıymynyń sońǵy kezdesýinde top músheleri óndiris lımıtterin táýligine 206 000 barrelge arttyrǵan bolatyn.
OPEK+ uıymynyń bul áreketi álemdik naryqqa Ormýz buǵazy blokadasy aıasynda munaı óndirisin odan ári arttyrýǵa jáne kóńil kúıdi turaqtandyrýǵa daıyn ekenin bildirýge baǵyttalǵan, dep atap ótti Reuters. Jalpy alǵanda, OPEK+ elderi 2025 jyldyń qazan aıynan bastap munaı óndirisin birtindep arttyrady. Buryn shıki munaıdyń joǵary baǵasyn ustap turý úshin shekteýler engizilgen bolatyn.
Aıta keteıik, OPEK málimeti boıynsha, 2026 jyly álemdik munaıǵa degen suranystyń ósý boljamy jyl saıyn táýligine 1,4 mıllıon barrel deńgeıinde ózgerissiz qalady.
Májilis OPEK damý qorymen aradaǵy operatsııalarǵa qatysty qujatty qabyldady.
